Die Brücke (taldea)
Die Brücke taldea 1905. urtean Dresde hirian (Alemania) Ernst Ludwing artistaren eskutik sortzen den talde espresionista da. XX. mendeko lehen erdialdeko zatian.
| KGBrücke | ||||
|---|---|---|---|---|
.jpeg) | ||||
| Jatorria | ||||
| Sorrera-urtea | 1905 | |||
| Mugimendua | Ekspresjonizma | |||
| Ezaugarriak | ||||
| Deskribapena | ||||
| Honen eragina jaso du | Albrecht Dürer, Matthias Grünewald, Lucas Cranach Zaharra eta Primitibismo | |||
| Estatu burujabe |  Alemania | |||
| Alemaniako estatua |  Saxonia | |||
| Hiria | Dresden | |||
| Emanaldia | ||||
| Amaiera-data | 1913 | |||
| kronologia | ||||
| ||||
Talde alemaniar honek espresionismoari atea zabaldu zion, postinpresionismoaren eta zine zein argazkigintzaren esparruan gertatu ziren aurrerapenen ondoren sortzen diren abangoardia artistikoen artean garrantzitsuenetarikoa izan zen bati hain zuzen.
Sortzaileak aldatu
Sortzaileak, artista alemaniar espresionistak dira, denak Dresdeko hirian arte ikasketak burutu zituztenak.
- Ernst Ludwing Kirchner (1880-1938)
- Erich Heckel (1883-1970)
- Fritz Bleyl (1880-1966)
- Karl Schmidt -Rottluff (1884-1976)
1906. urtean beste bi artista gehituko dira taldera Max Hermann Pechstein (1881 - 1955) eta Emil Nolde (1867 - 1956). 1910. urtean Otto Müller (1874 - 1930).
Izenaren jatorria aldatu
Die Brücke izenak zubia esan nahi du. Kideak Friedrich Nietzsche filosofoaren ideia honetan oinarritu ziren taldea izendatzerako orduan: "gizadiarentzat helburua ez da izatez bizitza bera bizitzea, baizik eta zubiak eraikitzea etorkizun hobe baterantz".[1]
Ezaugarriak aldatu
Margolaritza eta grabatu-teknika landu zuen talde honek garaiko akademizismo burgesarekin apurtu nahi izan zuen; "hauen ustetan arte berri bat sortu beharra zegoen gizarte berri batentzat". Talde honek, aurrerago espresionista guztiek egingo zuten bezala, pentsamolde eta bizimolde burgesak kritikatzen zituen.[1]
Mugimendu eta talde honen helburua sortzaile oro arteaz baliatuz euren barnean zeuden emozioak adierazteko gai izatea zen. Horretarako ertz askoko lerroak zein kolore gogorrak erabiltzen zituzten, eta irudiak desitxuratu ohi zituzten euren izaera karikaturara hurbiltzeko asmoz.[1]
Bestalde, arte mugimendu berri honek zuri eta beltzaren balio adierazkorra ikertu zuen, aurretiko garaietan grabatu-teknikaren bitartez soilik garatu zena Horrez gain, kultura primitibo afrikarretan jarri zuten arreta, eta horren isla garbia euren margolanetan aurki dezakegu.
Euren lanetan Jugendstil arte forma estetikotik hartutako hainbat elementu identifikatu daitezke.
Euren ezaugarri plastiko zein artearen ikuspuntu kritiko eta errebeldea direla eta, askotan Fauvista (Basapizti) talde frantsesarekin alderatu izan dute talde hau.[2]
Erreferentziak aldatu
- ↑ a b c (Gaztelaniaz) VANGUARDIAS DEL SIGLO XX: PINTURA. (Noiz kontsultatua: 2021-05-27).
- ↑ (Gaztelaniaz) «Die Brücke» HiSoUR Arte Cultura Historia 2017-02-23 (Noiz kontsultatua: 2021-05-27).
Kanpo estekak aldatu
Datuak: Q152778
Multimedia: Die Brücke / Q152778
