Otto Mueller

Otto Mueller ( Polonia, 1874ko urriaren 16a – 1930eko irailaren 24a) margolari eta ilustratzaile alemaniarra izan zen. «Die Brücke» talde espresionistaren partaidea izan zen.

Otto Mueller
Irudi gehiago
Bizitza
Jaiotza	Lubawka (en) , 1874ko urriaren 16a
Herrialdea	Alemania
Heriotza	Wrocław eta Oborniki (en) , 1930eko irailaren 24a (55 urte)
Hobiratze lekua	Grabiszyński Cemetery (en)
Familia
Bikotekidea(k)	ikusi Irene Altman (en)
Familia	ikusi Gerhart Hauptmann (osaba)
Hezkuntza
Heziketa	Municheko arte ederren akademia
Hizkuntzak	alemana
Ikaslea(k)	ikusi Jan Cybis (en)
Jarduerak
Jarduerak	margolaria, unibertsitateko irakaslea, artista grafikoa, ilustratzailea, litografoa eta irakaslea
Parte-hartzailea documenta (en)
Enplegatzailea(k)	Eugeniusz Geppert Academy of Fine Arts (en)
Kidetza	Die Brücke (taldea)
Mugimendua	espresionismoa
Zerbitzu militarra
Parte hartutako gatazkak	Lehen Mundu Gerra

Biografia

Otto Mueller Liebaun (gaur egungo Lubawkan, Polonia) jaio zen, Kreis Landeshut, Silesia alemaniarrean. Aita aleman eta ama ijitoa ziren. 1890tik y 1892ra litografo bezala prestatu zen, Görlitzen eta Breslaun. 1894tik 1896ra Dredeko Arte Ederren Akademian ikasi zuen eta, ondoren, ikasketekin Munichen jarraitu zuen, 1898an. Azken hiri horretan Franz von Stuckek talentu ez zuela esan zion eta ondorioz bertako Arte Ederren Akademia utzi zuen.

Muellerren lehenengo lanek inpresionismoaren, Jugendstil mugimenduaren eta sinbolismoaren eragina erakusten zuten. 1908am Berlinera joan zen eta han bere interes nagusia espresionismoan jarri zuen. Urte horietan Wilhelm Lehmbruck, Rainer Maria Rilke eta Erich Heckel ezagutu zituen. 1910ean Dresdeko Die Brücke taldean sartu zen; talde horretan margolari espresionistak biltzen ziren. 1913an Die Brücke, partaideen arteko diferentziak zirela eta, desagertu zen. Halaber, Muellerrek Blaue Reiter artisten taldearekin harremanetan jarri zen.

Lehen Mundu Gerran Alemaniako armadan borrokatu zuen, Frantzian eta Errusian. Gerra bukatuez gero, Breslauko Arte Akademian (Akademie der Bildenden Kunste) irakatsi zuen. Han jarraitu zuen heriotza gertatu arte, 1930eko irailaren 24an. Bere ikasleak izan ziren, besteak beste, Johnny Friedlaender eta Isidor Ascheim. 1937an naziek museoetan zeuden bere 357 lan konfiskatu zituzten berea "Arte endekatua" omen zelako.

Obra

Mueller Alemaniako expresionismoaren artista lirikoenetariko bat izan zen. Haren gai nagusia gizakien eta izadiaren arteko lotura izan zen. Harmonia da bere lanen ezaugarri nagusietariko bat, bai formetan bai koloretan. Oso ezagunak dira emakume biluzien eta emakume ijitoen egin zituen margolanak.

Margolanak museoetan

• Brücke Museoa, Berlin, Alemania
• Buchheim Museoa, Bernried, Alemania
• San Frantzizkoko Arte Ederren Museoa
• Arte Modernoaren Museoa, New York
• Washingtongo Arte Galeria Nazionala, Washington D.C.
• Thyssen-Bornemisza Museoa, Madril, Espainia.

Galeria

• 
  Izadia bainulariekin, 1915 -1920 Private Sammlung.
• 
  Hiru neska biluzik basoan.
• 
  Sofa batean etzanda.
• 
  Bost gorputz biluziak uretan.
• 
  Halbtakt.
• 
  Fünf Akte am Wasser.

Kanpo loturak

Wikimedia Commonsen badira fitxategi gehiago, gai hau dutenak: Otto Mueller

• (Alemanez):Biografia eta lan batzuk, Ludorff Galeria, Düsseldorf, Alemania
• (Ingelesez):Otto Muellerren obrari buruzko komentarioa.

• Datuak: Q317041
• Multimedia: Otto Mueller / Q317041