David Mourão-Ferreira

David de Jesus Mourão-Ferreira (Lisboa, 1927ko otsailaren 24a - Lisboa, 1996ko ekainaren 16a) portugaldar idazlea izan zen.

David Mourão-Ferreira
Bizitza
Jaiotzako izen-deiturak	David de Jesus Mourão-Ferreira
Jaiotza	Lisboa, 1927ko otsailaren 24a
Herrialdea	Portugal
Heriotza	Lisboa, 1996ko ekainaren 16a (69 urte)
Heriotza modua	berezko heriotza: minbizia
Hezkuntza
Heziketa	Lisboako Unibertsitatea
Hizkuntzak	portugesa
Jarduerak
Jarduerak	idazlea eta poeta
Enplegatzailea(k)	Lisboako Unibertsitatea
Jasotako sariak	ikusi Grand Officer of the Military Order of Saint James of the Sword Grand Cross of the Military Order of Saint James of the Sword
Kidetza	Brasilgo Letren Akademia

Mourão-Ferreiraren estatua Oeirasko Olerkarien parkean

Biografia

Filologia erromanikoan lizentziatu zen Lisboako Unibertsitatean, eta irakasle izan zen unibertsitate horretan bertan. Hainbat aldizkari espezializatutako zuzendari eta sortzaile izan zen (Távola Redonda, a Capital, Colóquio/Letras, Graal, etab.), eta hainbat kargu publiko izan zituen (Kulturako estatu-idazkaria, 1976-1979 urteen bitartean).

Literatura-lan ugari eta genero askotakoak idatzi bazituen ere, nabarmenak ditu poesia-lanak eta saiakerak. Mourão-Ferreiraren formazio klasikoa eta jantzia agerian gelditzen da bere lanetan, eta maitasunaren gaia da nagusia.

Obra

Poema-lan garrantzitsuenak hauek ditu: A Secreta Viagem (1950), Tempestade de Verão (1954), Os quatro Cantos do Tempo (1958), In Memoriam Memoriae (1962), Infinito Pessoal (1962), Do Tempo ao Coração 1966), Cancioneiro de Natal (1971), Matura Idade (1973), Entre a Sombra e o Corpo (1980), Ode à Música (1980), Os Ramos e os Remos (1985), O Corpo Iluminado (1987), No Veio de Cristal (1988). Saiakera lanei dagokionez, aipatzekoak dira: Tópicos de Crítica e de História Literária (1977), Os Oficios do Escritor (1989) eta Terraço Aberto (1992). Eleberrien artean nagusia Um Amor Feliz (1986) da. 1965ean antzerki-lan bat egin zuen, O Irmão.

Erreferentziak

• Datuak: Q1175773