Biuret-en erreakzio

Biuret-en erreakzioa laborategian erabiltzen den proba biokimikoa da, proteinen lotura peptidikoa antzematen duena. Aztertu nahi den lagin batean, erreakzio honek proteinak, peptidoak eta oro har lotura peptidikoak dituen substantzia oro antzeman egiten ditu.

More kolorea Biuret proba positibo batean

Proteinen detekzioa ez ezik, proba honek lagin batean dagoen proteinen kontzentrazioa ere (espektrofotometriaren bidez, 540 nm-tan irakurriz) neurtu egiten du.

Oinarria

Urea (CO(NH₂)₂) berotzerakoan bi substantzia agertzen dira: amoniakoa eta biuret izenekoa:

2CO(NH₂)₂ → NH₃ + NH₂-CO-NH-CO-NH₂

Biuret horrek antza handia du proteinekin, -CO-NH- taldeak dituelako. Inguru alkalino batean, Cu²⁺ ioiarekin erreakzionatzerakoan, biuretak more kolorea hartzen du.

Era berean, -CO-NH taldeak dituen proteina bezalako substantzia orok ere more kolorea hartzen du Cu²⁺ ioiarekin erreakzio egiterakoan inguru basiko batean.

Zenbat eta CONH talde gehiago eduki aztertutako laginak, orduan eta biziagoa izango da more kolorea kobre sulfatoa gehitzerakoan.

Prozedura

• Saiodi batean arrautzaren zuringoaren (albumina duena) 3 ml. jarri.

• Sodio hidroxidoaren (NaOH) 2 ml. gehitu, %20ko kontzentrazioan.

• %1ean diluitutako kobre sulfatoaren 5 tanta bota.

• Likidoak more kolorea hartzen du, proteinak (albumina) daudelako.

Biuret-en prozedura arrautzaren zuringoarekin.

Kanpo estekak

• Datuak: Q804138
• Multimedia: Biuret test / Q804138