Hegoaldeko Sierra Madre
- Artikulu hau Mexiko hegoaldeko mendikateari buruzkoa da; beste esanahietarako, ikus «Sierra Madre (argipena)».
Hegoaldeko Sierra Madre[1] (gaztelaniaz: Sierra Madre del Sur) Mexiko hegoaldeko mendikatea da, 1.200 kilometroz hedatzen dena, Jalisco estatutik eta Tehuantepec istmoraino.
| Hegoaldeko Sierra Madre | |
|---|---|
 | |
| Datu orokorrak | |
| Mendirik altuena | Quie Yelaag |
| Garaiera | 3.703 m |
| Mota | mendikate |
| Luzera | 1.000 km |
| Azalera | 143.447 km² |
| Geografia | |
 | |
| Koordenatuak | 17°36′N 100°18′W / 17.6°N 100.3°W |
Geografia aldatu
Hegoaldeko Sierra Madre Bahia de Banderasen, Ozeano Bareko itsasertzean, hasi, eta Tehuantepec istmoan amaitzen da, Colima, Michoacán, Guerrero eta Oaxaca estatuak zeharkaturik. Ozeano Barearen kostaldearen eta Zeharkako Sumendi-ardatzaren paraleloan dihoa, eta Balsas beheraguneak banatzen du azken horretatik. Zeharkako Sumendi-ardatza eta Hegoaldeko Sierra Madre Oaxaca iparraldean elkartzen dira, Mixteka mendilerroan. Ipar-mendebaldetik hego-ekialdera 1.200 kilometroan luzatzen da; batez besteko zabalera 150 kilometrokoa du eta batez besteko garaiera 2.000 metrokoa. Gailurrik gorena Quie Yelaag edo Cerro Nube da, 3.710 metroko altuerarekin, Oaxaca hegoaldean.[2]
Mendebaldean, Alo mendilerroa izenarekin hasten da, Jaliscoko Tecalitlan eta Pihuamo herrietan; ondoren Michoacán estatua zeharkatzen du, Coalcoman mendilerroa izena hartzen duen. Balsas ibaia zeharkaturik, Guerrero estatuaren mendebaldean sartzen da, non Cumbres de La Tentación deitzen zaion. Guerrero osoa zeharkatzen du, eta Oaxacarekin duen mugan Coicoyán mendilerroa izena du.
Ibai ugarik zeharkatzen dute Hegoaldeko Sierra Madre, arroila handiak sortzen dituztenak, nagusiki Guerrero estatuan, non zati garaiei filos izena ematen zaien. Aipagarriak dira mendikateko bioaniztasun handia eta espezie endemikoen ugaritasuna. Berun, zilar eta burdin meatzeak daude bertan.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2017/11/11 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Euskaltzaindia. (2012-05-25). 170. araua: Amerikako toponimia. .
- ↑ Sierra Madre del Sur. Provincia Fisiográfica. paratodomexico.com (Noiz kontsultatua: 2017-11-11).
Kanpo estekak aldatu
Datuak: Q1029702
Multimedia: Sierra Madre del Sur / Q1029702
