Bamburgheko gaztelua

Bamburgheko gaztelua (ingelesez: Bamburgh Castle) Ingalaterrako Northumberland konderriko izen bereko herrian dagoen gaztelu bat da.

Bamburgheko gaztelua
Ondasun Ingelesa
Bamburgh 2006 closeup.jpg
BamburghCastleAtNight(ChristineMatthews)Oct2000.jpg
Kokapena
Estatua Erresuma Batua
Herrialdea Ingalaterra
Ingalaterrako eskualdeaIpar-ekialdeko Ingalaterra
Ingalaterrako konderri zeremonialaNorthumberland
HerrixkaBamburgh (en) Itzuli
Koordenatuak 55° 36′ 34″ N, 1° 42′ 40″ W / 55.609361°N,1.711003°W / 55.609361; -1.711003Koordenatuak: 55° 36′ 34″ N, 1° 42′ 40″ W / 55.609361°N,1.711003°W / 55.609361; -1.711003
Historia eta erabilera
Jabea britaniar
Arkitektura
Estiloa Normandiar arkitektura
Ondarea
Ondare Ingelesa 1280155
Webgune ofiziala

HistoriaAldatu

Basaltoko lurmutur batean eraikia, gaztelua, bertakoek, Din Guardi zioten, eta Bernicia angloen erresumako hiriburua izan zen[1] 420an sortu zenetik 547ra arte (hau gazteluari buruz idatzitako lehen erreferentziaren urtea da). Urte horretan, gotorlekua, Ida Berniciakoa agintari anglosaxoiak harrapatu zuen, eta bere egoitza bihurtu zuen. Britaniarrek bere seme Hussaren eskuetatatik berreskuratu zuten 590eko gerran, urte horretan bertan ordezkatua izan aurretik.

Æthelfrith bere bilobak, Bebba emazteari eman zion, noren hasierako izena, Bebbanburh, beragandik datorren. 993an bikingoek jatorrizko gotorlekua suntsitu zuten.[2]

Normandiarrek gaztelu berri bat eraiki zuten aurrekoaren leku berean, gaur egungoaren oinarria dena. 1095ean, Northumberlandeko kondea eta bere jabea zen Robert Mowbrayk lagundutako matxinada batean, Gilen II.ak, arrakastarik gabe setiatu zuen. Robert harrapatua izan ondoren, bere emazteak defentsari ekin zion, erregeak bere senarra itsutzeko mehatxuagatik uko egitera behartu zuten arte.

Orduan, Bamburgh Ingalaterrako monarken jabetza izatera pasa zen. Henrike II.ak dorre nagusia eraiki zuen. Ingalaterrako postu aurreratua izanda, gazteluak eskoziar eraso ugari jasan zituen. 1464an, Bi Arrosen Gerran zehar, artilleriaz konkistaturiko Ingalaterrako lehen gaztelua bihurtu zen, Richard Nevillek, Warwickeko 16. kondeak bederatzi hilabetez gaztelua setiatu ondoren.[3]

400 urte inguruz Northumberlandeko Forster familia tenentea izan zen, koroak gazteluaren jabetza Sir John Forsterri eman zion arte. Familiak gazteluaren jabetza mantendu zuen 1700ean Sir William Forster porrot egin zuela aitortu zuen arte eta zorrak kitatzeko Legebiltzarraren lege baten ondoren bere jabetzak, gaztelua barne, Lord Crew Durhamgo apezpikuari saldu zitzaizkion.

Gaztelua hondatu egin zen, baina zenbait jabek zaharberritu zuten XVIII. eta XIX. mendeetan. Azkenean, William Armstrong industrialari viktoriarrak erosi zuen. Honek bere zaharberritze amaitu zuen.

II. Mundu Gerran gazteluak Itsas Armadako korbeta bati izena eman zion: HMS Bamborough Castle-ari hain zuzen ere.

ErreferentziakAldatu

  1. 'An English empire: Bede and the early Anglo-Saxon kings' by N. J. Higham, Manchester University Press ND, 1995, ISBN 0-7190-4423-5, ISBN 978-0-7190-4423-6
  2. (Ingelesez) «Vikings invade Bamburgh Castle» Northumberland Gazette 2013-6-4.
  3. (Ingelesez) Rickard, J. (2013). Siege of Bamburgh Castle, June-July 1464. in: History of War..

Kanpo estekakAldatu