Balendin Enbeita

Balendin Enbeita
	Balendin Enbeitaren omenezko eskultura Bilboko Areatzako parkean Irudi gehiago
Bizitza
Jaiotza	Muxika, 1906ko maiatzaren 20a
Herrialdea	Bizkaia, Euskal Herria
Heriotza	Muxika, 1986ko azaroaren 20a (80 urte)
Heriotza modua	istripuzko heriotza
Familia
Aita	Kepa Enbeita
Seme-alabak	ikusi Abel Enbeita; Libe Enbeita; Jon Enbeita;
Hezkuntza
Hizkuntzak	euskara; gaztelania
Jarduerak
Jarduerak	bertsolaria eta idazlea
Kidetza	Euskaltzaindia
Zerbitzu militarra
Adar militarra	Eusko Gudarostea
Parte hartutako gatazkak	Espainiako Gerra Zibila

Balendin Enbeita Goiria (Muxika, Bizkaia, 1906ko maiatzaren 20a - 1986ko azaroaren 20a) bertsolari eta euskal idazlea izan zen.

Biografia

Muxikako Usparitxa-Jauregi baserrian jaio zen, Kepa Enbeita Urretxindorraren eta Benita Goiriaren semea.^[1] Aitari jarraiki, txikitandik erakutsi zuen bertsolaritzarako zaletasuna. 1929an, hogeita hiru urte besterik ez zituela, Bizkaiko Lehen Txapelketa irabazi zuen, eta Espainiako Gerra Zibilaren ondorengo lehen bi txapelak ere jantzi zituen.

Gerratean, Eusko Gudarostearen barnean, Bizkaiko frontean izan zen eta 1937ko abenduaren 1ean hamabi urteko espetxe zigorra ezarri zioten. 1941era arte kartzelan izan zen.^[1]

Umetan hildako batez gain, sei seme-alaba izan zituen: Kepa, Abel, Libe, Moises, Joseba Andoni eta Jon.

Balendin Enbeitaren monumentua Bilboko Areatzan

Bertsolari eskolen mugimendua harekin batera sortu zela esan liteke, hark eman baitzituen lehen urratsak bertsolarien eskolaratze-bidean, Garriko bertso-eskola sortuz; baina plazagizona izateaz gain, bertsoak idatziz ere eman zituen. Eta bestelakorik ere paratu zuen paperetan: garaiko aldizkarietan hainbat poesia eskaini zituen eta baita Jesukristoren bizitza kontatzen duen antzerki-obra musikal bat ere.

Baserriko teilatua konpontzen ari zela erorita hil zen, Bizitzaren joanean liburuaren bigarren partea prestatzen ari zenean.

Gaur egun, Bilboko Areatzako parkean haren omenezko eskultura bat dago.