Athleticeko bigarren aurrealde historikoa

Athleticeko bigarren aurrealde historikoa Bilboko klubaren historian arrakastatsuenetariko bat izan zen. 1940ko hamarkadan sortu eta 5 aurrelariez osaturik zegoen: Iriondo (eskuineko hegalekoa), Venancio (eskuineko barnekoa), Zarra (erdiko aurrelaria), Panizo (ezkerreko barnekoa) eta Gaintza (ezkerreko hegalekoa). Aurrealde historiko honek liga bat eta 5 kopa irabazi zituen.

Historia

Gerra Zibila amaitu zenean, Athleticek zerotik eraiki behar izan zuen bere jokalari taldea, izan ere, gerra zela eta desegin zuten. Euskal talde askotan aritzen ziren harribitxi gazteak fitxatu eta talde berria sortu zuen. Taldeko lerrorik sendoena aurrealdea izan zen, hasieran Iriondo, Zarra, Panizo, Gaintza eta Unamuno beteranoak osatua. Unamunok taldea utzi eta Athleticek Indautxun aritzen zen Rafael Escudero fitxatu zuen.

1944/45 denboraldian, Athleticek bere bostgarren aurrelaria topatu zuen Erandio Klub Kirol Elkartean, Venancio izeneko lagun handia hain zuzen ere. 1946/47 eta 1948/49 denboraldietan, Venancio Barakaldo CFra utzi zuten. Bi denboraldi hauetan, Athleticek, aurrealde osatzeko, Iraragorri beteranoa berreskuratu zuen. Iraragorri 1930eko hamarkadan Athleticeko lehenengo aurrealde historikoaren kidea izan zen eta 1948/49 denboraldian futbola utzi zuen.

1949/50 denboraldirako Venancio taldera itzuli eta aurrealde historikoa osatu zen.

1950eko Munduko Futbol Txapelketan Espainiako selekzioak aurrealde honen lau kide deitu zituen: Iriondo, Zarra, Panizo eta Gaintza hurrenez hurren.

Estatistikak

#	Futbolaria	Liga		Kopa		Guztira
		Part.	Gol.	Part.	Gol.	Part.	Gol.	Bataz bestekoa
1.a	Zarra	278	252	74	81	352	333	0,95
2.a	Panizo	326	126	79	37	405	163	0,4
3.a	Gaintza	382	119	99	29	487	149*	0,31
4.a	Iriondo	258	84	65	31	323	116	0,36
5.a	Venancio	167	68	39	21	206	89	0,43
#	Total	1.411	649	356	199	1.773	848	0,49

(*) Gaintzak 1957ko Europako Kopan gol bat eskuratu zuen eta zerrendan sartuta dago.

Kanpo estekak

• Datuak: Q6123763