Arranoaitz
Arranoaitz (899 metro) Satui mendilerroko mendietako bat da, Arrolamendi inguruan duela. Antzuola, Legazpi eta Oñatiko udalerriek partekatzen duten mugarria ere bertan dago; buzoia, berriz, zertxobait aldenduta dago, muino baten gainean, eta dagoeneko Legazpiko udalerrian.[1]
| Arranoaitz | |
|---|---|
| Datu orokorrak | |
| Garaiera | 878 |
| Mota | mendi |
| Geografia | |
 | |
| Koordenatuak | 42°59′31″N 2°18′50″W / 42.992°N 2.314°W |
| Mendikatea | Aizkorriko mendilerroa |
| Herrialdea |  Euskal Herria |
| Probintzia |  Gipuzkoa |
Aizkorri, Gorbeia, Udalatx, Andarto, Kurutzeberri, Anboto eta inguruko mendiak ikus daitezke Arranoaitzetik.
Oñati, Legazpi eta Antzuolatik ditu igoerak. Oñatitik posible da Koroso gaineraino joatea eta bertatik Arranoaitzera igotzea. Herrigunetik igotzeko, Larraña auzotik du igoera. Antzuolatik, berriz, herrigunetik Koroso gainera igota joan daiteke gailurrera, edo Deskarga gainetik. Legazpitik, berriz, Urtatzako urtegitik gora igo daiteke. Posible da Arranoaitzetik Arrola edo Gorostiaga gainetara ere joatea. Bertatik gertu dago Irikortako iturria, Arrola gainaren azpian.
Eremu honetan Satui-Arrolamendiko estazio megalitikoa edo gune arkeologikoa aurkituko dugu, batez ere tumuluekin osatuta.
Garai batean, buzoia jarri aurretik, burdinazko gurutzea zegoen; gaur, baina, desagertuta dago. Arranoaitzen albotik gertu daude Argilekuko txabolak eta Korosoko lepoa eta baserri eraberritua. Lehena ezaguna da, bertan elkarte bat kokatzeaz gain, Arrolamendiko elkartekoek jaia ospatzen zutelako urteberrian, salda eta txorizoa eskainiz. Korosoko lepoan, berriz, finalista eguna ospatzen zuten.[2]
Lur eremu honetan ere 2007-8an Bergaratik Irunera doan gas bidea pasatzen da lurpetik. [3]
Erreferentziak aldatu
- ↑ Arranoaitz/Arrandaitz. .
- ↑ Ramirez de Okariz Telleria, Iñigo. (2022). Arrolak 50 urte mendiz mendi. Arrola mendi elkartea ISBN D. 221-2022....
- ↑ «BOE-B-2006-307047 Resolución de la Dirección General de Política Energética y Minas por la que se autoriza a «Naturgás Energía Transporte, S.A.U.» la contrucción de las instalaciones del gasoducto denominado «Duplicación del Gasoducto Vergara-Irún, tramo Vergara-Zaldivia-Villabona».» www.boe.es (Noiz kontsultatua: 2023-08-14).
Kanpo estekak aldatu
Datuak: Q112780639
