Apotzagako hilerria
Apotzagako hilerria Eskoriatzako Apotzaga elizatean dagoen hilerri zirkular berezia da. San Migel eliza eta San Bernabe baselizaren artean kokaturik dago. 1994 urtean Eraikitako euskal ondare nabaria izendatua izan zen[1].
| Apotzagako hilerria | |
|---|---|
 Eraikitako euskal ondasun nabarmena | |
| Eskoriatzako Alde Zaharra | |
 | |
| Kokapena | |
| Herrialdea |  Euskal Herria |
| Probintzia |  Gipuzkoa |
| Udalerria | Eskoriatza |
| Koordenatuak | 43°01′50″N 2°31′16″W / 43.03067°N 2.52115°W |
 | |
| Historia eta erabilera | |
| Eraikuntza | XX. mendea |
| Arkitektura | |
| Estiloa | Euskal estiloko arkitektura |
| Ondarea | |
| EJren ondarea | 87 |
Historia aldatu
Anastasio Otadui apaiz arrasatearra 37 urtez izan zen apaiz Apotzagan eta San Migel elizaren konponketak egitearekin batera hilerri berria diseinatu zuen euskal tradizioan oinarrituz. 1960. hamarkadan eraiki zen eta Galiziako harginak aritu ziren lanean.
Egitura aldatu
Egitura zirkularra dauka, lau laurdenetan zatiturik dagoena. Laurden bakoitzean bost baserriren hilobiak daude. Hilobi bakoitzean disko itxurako hilarri modernoakdaude, baserri bakoitzaren izena dutenak. Hilerriaren erdiguneko bidegurutzean Marin auzotik ekarritako gurutze-muga landu bat dago eta ekialdeko ertzean San Migel goiaingerua ageri da harrizko aldare txiki batean[1]. San Migel bera da Apotzagako zaindaria.
Hilerria altuera txikiko harresi batek inguratzen du eta sarreran dauden bi zutabeetan "Gero" eta "Arte" hitzak daude landuta.
Erreferentziak aldatu
- ↑ a b «Apozagako hilerria. Ondarea. Euskal Ondare Kulturalaren Informazio Sistemaren hasiera orria» www.euskadi.eus (Noiz kontsultatua: 2019-08-02).
Kanpo estekak aldatu
Datuak: Q65735744
Multimedia: Apotzagako hilerria / Q65735744
