Anthony Comstock
Anthony Comstock (New Canaan, Connecticut, 1844ko martxoaren 7a - Summit, New Jersey, 1915ko irailaren 21a), eskuin muturreko aktibista puritano Ameriketako Estatu Batuetako Posta inspektorea, haren ustez bizioak eta ohitura txarrak ziren gauza guztien aurkako gurutzada eraman zuen aurrera, bereziki liburuen aurka. New Yorken Society for the Suppression of Vice erakundea sortu zuen. Haren kalkuluen arabera, bizitza osoan, 160 liburu-tona erre egin zuen eta ia lau mila pertsona espetxeratuak izan ziren haren ekimenen ondorioz.[1]
| Anthony Comstock | |
|---|---|
 | |
| Bizitza | |
| Jaiotza | New Canaan, 1844ko martxoaren 7a |
| Herrialdea |  Ameriketako Estatu Batuak |
| Heriotza | Summit, 1915eko irailaren 21a (71 urte) |
| Hobiratze lekua | The Evergreens Cemetery (en)  |
| Familia | |
| Aita | Thomas Anthony Comstock |
| Hezkuntza | |
| Hizkuntzak | ingelesa |
| Jarduerak | |
| Jarduerak | politika-idazlea |
| Enplegatzailea(k) | United States Postal Inspection Service (en) |
| Jasotako sariak | ikusi
|
| Kidetza | New York Society for the Suppression of Vice (en) |
| Sinesmenak eta ideologia | |
| Alderdi politikoa | .svg){kind=small} Ameriketako Estatu Batuetako Alderdi Errepublikanoa |
  | |
_UK.png){kind=small}
Biografia
aldatuComstock New Canaan herrian jaio zen, Estatu Batuetako Connecticut estatuan. Oso kultura eskasako gizona zen: familia puritano pobre baten semea, haren ikasketa bakarra elizan jasotakoa izan zen baina haren ustez Bibliarekin nahikoa zuen, "Adanek paradisuan ez zuen besterik behar izan".[2] Gerra Zibilan Iparraldearen alde borrokatu zuen (1863-1865). Urte haietan, soldaduen artean, biraoen aurkako borrokan nabarmendu zen. Behin gerra bukatuez gero New Yorkera joan zen eta han Young Men's Christian Association elkartearen partaidea egin zen. Hiri berean, 1873an Society for the Suppression of Vice erakundea sortu zuen. Elkarte honen helburu nagusia bizioen aurka eta moral publikoaren alde aritzea zen. Urte berean haren lehenengo lorpena izan zuen: Estatu Batuetako Kongresua "Comstock Legea" bezala ezagutu den ekimena onartu zuen; horren arabera, postaz ezin zen ez material lizuna ezta ere kontrazepzio metodoak zabaldu. Ekimen horren ondorioz postan zentsura antzeko sistema ezarri zen ezen Postak horrelako materialen zabaltzearen kontrako sistemak ezarri izan baitzituen. Iritzi publikoan nahiz eta bere formazio falta nabarmena, eragin handia lortu zuen eta horri esker garaipen politiko asko lortu zuen. Bere biktimak izan ziren, besteak beste, George Bernard Shaw, Victoria Woodhull, Tennessee Claflin. Posta zerbitzu barruan benetako poliziaren statusa zuen, pistola eramateko eskubidea barne. Comstock 1892tik Summit herrian bizi izan zen, Nueva Jerseyn, eta bertan hil zen, 1915an.
Obra
aldatu- Frauds Exposed (1880)
- Traps for the Young (1883)
- Gambling Outrages (1887)
- Morals Versus Art (1887)
Liburu hauekin batera prentsan oso aktiboa izan zen eta artikulu zein gutun ugari idatzi zituen.
Erreferentziak
aldatuBibliografia
aldatu- Werner Fuld: Das Buch Der Verotenem Bücher. Berlin: Galiani, 1912.
Kanpo loturak
aldatuIkus, baita ere
aldatu
Datuak: Q573043
Multimedia: Anthony Comstock / Q573043
