Anna Karenina (2012ko filma)
Anna Karenina 2012ko film erromantikoa da, Joe Wright zinemagileak zuzendutakoa. Lev Tolstoik 1877an idatzitako Anna Karenina eleberriaren egokitzapena da, Tom Stoppardek egindakoa. Keira Knightleyk antzeztu zuen Anna Kareninaren rola, eta Matthew Macfadyen, Kelly Macdonald, Domhnall Gleeson eta Alicia Vikander izan ziren gainerako aktore nagusiak.[1]
Argumentua aldatu
Kontakizuna 1874. urtean dago girotua, Errusia inperialean. Anna Karenina San Petersburgon bizi da, eta orduko goi gizartearen pertsonaia ezinbestekoak dira hura eta haren senarra. Ustez, zoriontasuna erabatekoa da, eta askok desiratzen duten bizimodua du Kareninak.[2]
Moskura egin beharko du bidaia bat, haren anaiaren harremana salbatzeko ahaleginean. Bidaia horrek Kareninaren patua betirako aldatuko du, tren geltokian Vronsky kapitaina ezagutuko baitu. Bien artean berehalako txinparta piztuko da, baina itxurak gordetzen saiatu beharko dute. Senarrarekiko harremana salbatu nahian, Karenina San Petersburgora itzuliko da, baina ordurako beranduegi izanen da. Orduko gizarteak ezin du ezkontzaz kanpoko harremanik onartu, eta Kareninak erabaki zaila hartu beharko du: hipokrisian bizitzen jarraitu, edo bihotzak agintzen dionari jaramon egin.[2]
Ekoizpena aldatu
Ekoizpen handia da Anna Karenina. Pertsonaia askok hartzen dute parte filmean, eta filmaketaren atalik nagusia Errusian egin zen, gehienbat San Petersburgon. Ehun dekoratu inguru erabili zituzten, eta 80 baino gehiago dira esaldiren bat duten antzezleak. Hori gutxi balitz, dantza garrantzi handiko elementua da liburuan zein pelikulan; hortaz, 25 dantzarik ere hartu zuten parte.[2]
Aktoreak aldatu
- Keira Knightley: Anna Karenina
- Jude Law: Alexei Karenin, Annaren senarra
- Aaron Taylor-Johnson: Vronsky kapitaina, Annaren maitalea
- Matthew Macfadyen: Stepan Oblonsky, Annaren anaia
- Kelly Macdonald: Dolly Oblonsky, Stepanen emaztea
- Domhnall Gleeson: Konstantin Levin
- Alicia Vikander: Ekaterina, Dollyren ahizpa
- David Wilmot: Nikolai
- Ruth Wilson: Betsy printzesa
- Raphaël Personnaz: Alexander Vronsky
- Emily Watson: Lidia kondesa
- Alexandra Roach: Nordston kondesa
- Michelle Dockery: Myagkaya printzesa
- Susanne Lothar: Stxerbatski printzesa
- Olivia Williams: Vronskaya kondesa, Vronskyren ama
- Max Bennett: Petritsky
- Cara Delevingne: Sorokina printzesa
- Holliday Grainger: Baronesa
- Thomas Howes : Iatxvine
- Bill Skarsgård: Makhotin kapitaina
- Emerald Fennell: Merkalova printzesa
Erreferentziak aldatu
- ↑ Anna Karenina (2012). allmovie.com (Noiz kontsultatua: 2018-10-2).
- ↑ a b c Agote, Gontzal. Literatura unibertsaleko klasikoaren beste bertsio bat. Berria egunkaria, 2013ko martxoak 13, berria.eus (Noiz kontsultatua: 2018-10-2).
Kanpo estekak aldatu
- Anna Karenina, IMDb, imdb.com
- Anna Karenina, AllMovie, allmovie.com