Wikipedia

Alphons Leopold Mielich

margolari austriarra

Alphons Leopold Mielich (1863ko urtarrilaren 27a – 1929ko urtarrilaren 25a) eszena orientalistengatik ezaguna den margolari austriar bat izan zen. Qasr Amrako gaztelu omeiatar bateko freskoak dokumentatzeaz arduratzen zen talde batean parte hartu zuen, Sei Erregeen margoa ospetsua barne, eta aurkikuntzei buruz argitaratutako Kusejr 'Amra libururako ilustrazioak egin zituen, 1907an argitaratua.

Alphons Leopold Mielich
Bizitza
JaiotzaKlosterneuburg (en) Itzuli, 1863ko urtarrilaren 27a
Herrialdea Austria
HeriotzaSalzburgo, 1929ko urtarrilaren 25a (65 urte)
Jarduerak
Jarduerakmargolaria

Biografia eta karrera aldatu

Alphons Leopold Mielichhofer Klosterneuburgen jaio zen, Vienako ondoan, 1863ko urtarrilaren 27an. [1] Parisen, Londresen eta Munichen jaso zuen arte hezkuntza. [2] Austriako Armadako artilleria teniente gisa aritu zen 1887an bere karrera militarra goiztiar amaitu zen arte, osasun txarra zela eta. [3]

1889an, Ekialde Hurbilera bidaiatu zuen bere konbaleszentziaren baitan, [4] eta han egon zen hainbat urtez. [5] 1914an gerra hasi baino lehen beste hamaika aldiz itzuli zen Egiptora [6]. Ekialde Hurbilera egindako bisitak ezinbesteko garrantzia izan zuen bere karreran, bere lan gehienak gai orientalistak jorratzen baititu. [1]

1901eko Ekialde Hurbilera egindako bidaian, Alois Musil jakintsu txekiarrari lagundu zion Qasyr 'Amrako omeiatar gazteluaren dokumentazioa lantzeko, orduan Otomandar Inperioan (egungo Jordania). [7] Bere lana antzinako gazteluko margolanak eta freskoak dokumentatzea izan zen, zintzo kopiatuz. [8] Ia iritsi bezain pronto, bertako matxinoek gamelu guztiak lapurtu zizkieten erasoa jasan zuten. [9] Beranduago, erasoa gaizki-ulertu bat izan zela konturatu ziren eta gameluak itzuli zituztela. [9] Hala ere, aurretik, bikoteak bertan geratzea erabaki zuen Mielich-ek adierazitako margolanen interes historiko izugarriagatik. [10] Musil eta Mielichen arteko lankidetzaren ondorioz, Kusejr 'Amra bi liburukiko lan bat argitaratu zen, non Mielichen marrazkiek bigarren liburukia hartu zuten. [9]

Musilek Mielichen erreakzioa deskribatzen du Qusayr 'Amrako margolanak lehen aldiz ikusi zituenean: [11]

"Berari [Mielich-i] jarraitu nion azkar eta bihotza dardarkada batekin, eta, ulergarria denez, margolanek arte adituarengan zer inpresioa egingo zuten ikusi nahi nuen. Nire begiak bere aurpegian tinko finkatuta zeuden eta pozik zegoela ikusi nuen bere ezaugarriak eraldaketa egiten zitzaizkion eta begiak ilusioz dirdira. Behin eta berriz esan zuen: «Handia, benetan handia».

Mielich Ekialde Hurbiletik bueltan, desadostasun latz bat sortu zen Musil eta Mielich-en artean. [9] Hori akzio judizial batean amaitu zen Mielich-ek kendu eta gero horma-pinturaren pieza batzuk Musilek jakin gabe edo baimenik gabe saldu zituelako. Pieza horiek , Sei Erregeen margolanaren zatiak barne Berlinen geratu ziren eta bertan Museum Islamicher Kunst-en parte dira. [12]

1910ean, Mielich-en lana, Meisterwerke Muhammedanischer Kunst, [Mahomedar Artearen maisulanak] erakusketan aurkeztu zen, Munichen, arte exotikoko erakusketa ikaragarria eta aurrekaririk gabekoa, 250 bilduma baino gehiagotako 3.600 artelan inguru biltzen zituena. [13] Mielichek aldizka Vienan, Parisen, Londresen, baita Alemaniako eta Errusiako hainbat hiritan ere erakusketak egin zituen. 1894tik aurrera, "Wiener Kuenstlerhaus" Vienako artista taldeko kidea izan zen.

Salzburgon hil zen 1929an, 65 urte zituela. [14]

Lana aldatu

Olioak, pastelak eta akuarelak landu zituen eta zirriborroak egin zituen. Bere lan ezagunenak Kairoko eta inguruetako margolan ugariak dira. Horietako batzuk Franz Josef I.a Kaiserrak eta Austriako Hezkuntza Ministerioak eskuratu zituzten. [15] Haren lanak Austriako Galeria Nazionalean (Belvedere), [16] Salzburgoko museoetan eta Shafik Gabr Bilduman bezalako bildumetan aurki daitezke. [17]

  •  
    Fellahin, Kairotik gertu dagoen Giza bidean motiboa, data ezezaguna
  •  
    Orientalische Straßenszen [Ekialdeko kale eszena], data ezezaguna
  •  
    Der Teppichverkäufer [Alfonbra merkataria], c.1900
  •  
    Mielich-ek Kusejr 'amra und Schlösser östlich von Moab -en hondatutako freskoaren erreprodukzioa, 2. liburukia, 1907.

Argitalpena

  • Kusejr 'amra und Schlösser östlich von Moab, [bi liburuki] Carl Gerold-en Sohn, 1907 Alois Musil eta Alphons Mielich-ek (Mielichek 2. liburukia osatzen duen artelanaren ekarpena egin zuen)

Erreferentziak aldatu

  1. ↑ a b Mikešová, M., "Austria‑Hungary and Egypt (1882–1914)," Prague Papers on the History of International Relations, Vol. 1, 2014, p. 74; Mayr-Oehring, E., Faszination Landschaft, Salzburger Residenzgalerie, 1995, p. 84
  2. ↑ Fowden, G., Qusayr 'Amra: Art and the Umayyad Elite in Late Antique Syria, University of California Press, 2004 p. 12
  3. ↑ Mikešová, M., "Austria‑Hungary and Egypt (1882–1914)," Prague Papers on the History of International Relations, Vol. 1, 2014, pp 63-78; Orient: Österreichische Malerei zwischen 1848 und 1914, Salzburger Residenzgalerie, 1997, p. 370; Husslein-Arco, A. and Grabner, S., Orient & Occident: Travelling 19th Century Austrian Painters, Belvedere, 2012, p. 48
  4. ↑ Mikešová, M., "Austria‑Hungary and Egypt (1882–1914)," Prague Papers on the History of International Relations, Vol. 1, 2014, pp 63-78; Fowden, G., Qusayr 'Amra: Art and the Umayyad Elite in Late Antique Syria, University of California Press, 2004 p. 13; Haslauer, E, and Winbigler, J., "Egypt in Nineteenth-Century Vienna: A Phantasm?" Journal of Visual Resources, vol. 23, 2007, pp 85-103, DOI: 10.1080/01973760701219446; Fontana, M.V., "Su Una Possible Raffiguazione Della Storie di Giona a Qusayr 'Amra," Rivista Degli Studi Orientali, Vol. 85, No. 1/4, 2012, pp. 279-303; Husslein-Arco, A. and Grabner, S., Orient & Occident: Travelling 19th Century Austrian Painters, Belvedere, 2012, p. 48
  5. ↑ Orient: Österreichische Malerei zwischen 1848 und 1914, Salzburger Residenzgalerie, 1997, p. 370
  6. ↑ Mikešová, M., "Austria‑Hungary and Egypt (1882–1914)," Prague Papers on the History of International Relations, Vol. 1, 2014, p.74; Haslauer, E, and Winbigler, J., "Egypt in Nineteenth-Century Vienna: A Phantasm?" Journal of Visual Resources, vol. 23, 2007, pp 85-103, DOI: 10.1080/01973760701219446
  7. ↑ Haslauer, A., After One Hundred Years: Islamic Art in Vienna circa 1900 and the Munich Exhibition, BRILL, 2010, p.270; Fowden, G., Qusayr 'Amra: Art and the Umayyad Elite in Late Antique Syria, University of California Press, 2004 p. 13 and p. 23l; Fowden, G. and Fowden, E.K., "Studies on Hellenism, Christianity and the Umayyads," University of Virginia Press, p. 27
  8. ↑ Haslauer, A., After One Hundred Years: Islamic Art in Vienna circa 1900 and the Munich Exhibition, BRILL, 2010, p.270; Fowden, G., Qusayr 'Amra: Art and the Umayyad Elite in Late Antique Syria, University of California Press, 2004 p. 13 and p. 23l; Fowden, G. and Fowden, E.K., "Studies on Hellenism, Christianity and the Umayyads," University of Virginia Press, p. 10 and p. 27
  9. ↑ a b c d Fowden, G., Qusayr 'Amra: Art and the Umayyad Elite in Late Antique Syria, University of California Press, 2004 p. 13
  10. ↑ Fowden, G., Qusayr 'Amra: Art and the Umayyad Elite in Late Antique Syria, University of California Press, 2004 pp. 10–12; Lermer, A. and Shalem, A. (eds), After One Hundred Years: The 1910 Exhibition "Meisterwerke Muhammedanischer Kunst" Reconsidered, BRILL, 2010, p. 270
  11. ↑ Haja, M. Zwischen Traum und Wirklichkeit: Die österreichische Orientmalerei im 19.Jahrhundert, in : Mayr-Oehring, Erika [Hg.]: Orient: österre ichische Malerei zwischen 1848 und 1914 (Ausst.Kat.], Residenzgalerie Salzburg, 20.7. - 24.9.1997, Salzburg), Residenzgalerie, Salzburg, 1997
  12. ↑ Fowden, G., Qusayr 'Amra: Art and the Umayyad Elite in Late Antique Syria, University of California Press, 2004 p. 13; Lermer, A. and Shalem, A. (eds), After One Hundred Years: The 1910 Exhibition "Meisterwerke Muhammedanischer Kunst" Reconsidered, BRILL, 2010, pp. 270–271
  13. ↑ Troelenberg, E-M., "Regarding the exhibition: the Munich exhibition Masterpieces of Muhammadan Art (1910) and its scholarly position," Journal of Art Historiography. No. 6, 2012. pp 1-34; Mikešová, M., "Austria‑Hungary and Egypt (1882–1914)," Prague Papers on the History of International Relations, Vol. 1, 2014, pp 63-78
  14. ↑ Mikešová, M., "Austria‑Hungary and Egypt (1882–1914)," Prague Papers on the History of International Relations, Vol. 1, 2014, pp 63-78; Mayr-Oehring, E., Faszination Landschaft, Salzburger Residenzgalerie, 1995, p. 84
  15. ↑ Orient: Österreichische Malerei zwischen 1848 und 1914, Salzburger Residenzgalerie, 1997, p. 371
  16. ↑ Austrian National Gallery, "The Collection," Online:https://digital.belvedere.at/search/Mielich
  17. ↑ The Shafik Gabr Collection, "The Paintings," Online: https://eastwestdialogue.org/about/the-paintings/the-shafik-gabr-collection/

Bibliografia aldatu

Ikus, gainera aldatu

Kanpo estekak aldatu

"https://eu.wikipedia.org/w/index.php?title=Alphons_Leopold_Mielich&oldid=9003568"(e)tik eskuratuta