Aiztogile kalea (Gasteiz)

Gasteizko Aiztogile kalea Alde Zaharrean dago. Herri hizkeran Kutxi kalea moduan ezaguna da.

Aiztogile kalea
Aiztogile kaleak Santa Ana kantoiak bat egiten duten tokia. Irudi gehiago
Kokapena
Herrialdea	Euskal Herria
Probintzia	Araba
Herria	Gasteiz
Koordenatuak	42°50′57″N 2°40′16″W

Kokapena

Errege Atea kalean hasten da eta Txikita kalean amaitzen da, Santa Maria kantoiarekin bat egiten duen tokian. San Frantzisko Xabierkoaren, Santa Ana eta San Markos kantoiak zeharkatzen ditu.

Luzera

425 metro inguruko luzera du. Ezkerreko espaloian 103 zenbakiraino iristen da eta eskuinekoan 98raino.

Historia

Henrike Knörr eta Elena Martínez de Madina Salazarrek idatzitako “Toponimia de Vitoria I – Gasteizko toponimia I” (Euskaltzaindia, 2009) liburuaren arabera kalearen izena aspaldikoa da, 1254 eta 1256 urteen artekoa.

Kale honetan jaiotako pertsonai ezagunak

• Mateo Moraza

Azpiegiturak

Kale honetatik igarotzen da Alde Zaharraren goiko aldera igotzeko Ekialdeko arrakala automatikoa, San Frantzisko Xabierkoaren kantoian.

Taberna eta jatetxe asko daude (39 jatetxe eta taberna guztira 2018ko uztailean) kale honetan. Jende asko biltzen da egunean zein gauean zehar poteatzeko, bazkaltzeko eta afaltzeko.

Eraikinak

• Sokaren etxea
• Bibat museoa (Bendaña Jauregia)

Trafikoa

Oinezkoentzako kalea den arren ibilgailu ugari ibiltzen da, gehienbat banaketa kamioiak.

Bitxikeriak

Kale hau aipatzen da Potato taldearen La gente rula abestian.

Iruditegia

Kalearen azken zatia

Kanpo estekak

• Datuak: Q56571900
• Multimedia: Calle Cuchillería / Q56571900