AhoTTS ahots-sintetizagailua
AhoTTS euskaraz idatzitako testuak automatikoki irakurtzen dituen aplikazio informatikoa da. Inma Hernaez telekomunikazio-ingeniariak Euskal Herriko Unibertsitatean sortu zuen AhoLab laborategian garatu zuten Eusko Jaurlaritzaren diru-laguntzekin.
| AhoTTS | |
|---|---|
| Jatorria | |
| Sortzailea(k) | Inma Hernaez |
| Sorrera-urtea | 2006 |
| Ezaugarriak | |
| Hizkuntza | euskara, gaztelania, galiziera, katalana eta ingelesa |
| Programazio-lengoaia | C eta C++ |
| Irakur dezake | Linux, Microsoft Windows, Android eta iOS |
| Euskaraz | |
| Euskaraz | Bai |
| https://aholab.ehu.es/tts/ | |
Besteak beste, mugikorrak ahotsaren bidez erantzuten digunean erabiltzen da teknologia hau. Pertsonen arteko komunikazioan lagungarria izan daiteke ere, besteak beste, ahosko itzulpenak eskaintzen edota ahots-ezgaitasun bat duten pertsonen kasuan.[1][2]
Konputagailuetan eta Android sistema eragilearekin dabiltzan telefono mugikorretan ere erabil daiteke.[3].
Txillardegi, Jose Ignacio Hualde eta Iñaki Gaminde hizkuntzalarien lanak lagungarri izan ziren AhoLab taldearen sintetizagailuetan euskararen doinua moldatzeko. Inplementazioaren erraztasunagatik, Hualderen proposamena nahiago izan zuten, baina Txillardegiren proposamenetik azentu-unitateari dagozkion definizioak eta espezifikazioak hartu zituzten, enklitikoak eta proklitikoak, baita proposatutako hitz markatuen zerrendak ere.[4][5]
Erreferentziak aldatu
- ↑ «Inma Hernaez: "Hitz egiteko zailtasunak dituzten pertsonentzat ahots sintesia oso egokia izan daiteke" #Zientzialari (108)» Zientzia Kaiera 2019-01-18 (Noiz kontsultatua: 2019-02-25).
- ↑ KZgunea. «AhoTTS: hitzak testutik ahotsera bihurtzen dituen sistema» KZblog (Noiz kontsultatua: 2019-02-25).
- ↑ «AhoTTS - Google Play-ko aplikazioak» play.google.com (Noiz kontsultatua: 2019-02-25).
- ↑ Etxeberria Murua, Pilartxo; Salaberri Zaratiegi, Patxi; Ormaetxea Lasaga, Jose Luis; Aurrekoetxea Olabarri, Gotzon. (2000). Txillardegi lagun-giroan. UEU, 186 or. ISBN 9788484380078. (Noiz kontsultatua: 2019-02-25).
- ↑ Hualde, Jose Ignacio. (1994). Euskal azentuak eta euskara batua. Euskera XXXIX (Euskaltzaindia), 1549-1568 or..
Kanpo estekak aldatu
Datuak: Q61868269
