Abetxukuko zubi zaharra
Gasteizko zubia, ondare kulturala izendatua. Abetxuku eta Arriaga-Lakua auzoak lotzen ditu.
Abetxukuko zubi zaharra Gasteizko Abetxuku auzoan dagoen XIX. mendeko zubia da. Zubiak Zadorra ibaia zeharkatzen du, Arriaga-Lakua eta Abetxuku auzoak elkarri lotzeko. Eusko Jaurlaritzak kultura-ondasun izendatu du, monumentu-multzo sailkapenarekin.[1][2]
Abetxukuko zubi zaharra | |
---|---|
Eraikitako euskal ondasun nabarmena | |
Zadorra ibaiaren arroko zubiak | |
Kokapena | |
Herrialdea | Euskal Herria |
Probintzia | Araba |
Herria | Gasteiz |
Koordenatuak | 42°52′22″N 2°40′53″W / 42.872798°N 2.6813826°W |
Gurutzatzen du | Zadorra |
Zubibegiak | 3 |
Ondarea | |
Zubi zaharra erabileraz kanpo dago, ondoan zubi berria zabaldu zutenetik. Hala ere, azpiko arkuetatik igaro ahal da oinez zein bizikletaz, Eraztun Berdeko bidari jarraituz. 2015eko abuztuan zubi zaharraren birgaitze-lanak hasi ziren. Lanok interes kulturaleko XIX. mendeko egitura berreskuratzea, egonkortzea eta zubiaren ur-hustutze ahalmena areagotzea zuten helburu. 2017ko urriaren 2an Uraren Euskal Agentziak egokitze hidrauliko eta arkitektonikoa amaitutzat eman zuen.[1][2]
Iruditegia
aldatu-
Abetxukuko zubi zaharraren itxura, 2015eko abuztuan birgaitze-lanak hasi aurretik.
Erreferentziak
aldatu- ↑ a b «Abetxukuko zubi zaharraren egokitze hidrauliko eta arkitektonikoa amaitu dute» Alea 2017ko urriaren 2an (Noiz kontsultatua: 2017ko urriaren 2an).
- ↑ a b «URAk bukatu ditu Abetxukoko zubi zaharraren egokitze hidrauliko eta arkitektonikoa» Irekia (Noiz kontsultatua: 2017ko urriaren 2an).
Ikus, gainera
aldatuKanpo estekak
aldatu