Zerrenda:Gizateriaren ondarea Portugalen

Gizateriaren ondarea Portugalen 15 eremu edo eraikinek osatzen dute. Horietatik 14, kultura arrazoiengatik izendatu dituzte; eta hamabosgarrena, natura arrazoiengatik. Hona hemen zerrenda, eskualdeka banatuta:

Iparraldeko eskualdea

Izena	Barrutia	Urtea	Irudia	Deskribapen txikia
Portoko erdigune historikoa	Porto	1996		Iparraldeko hiriburua da, eta Portugalgo bigarren metropolia. Ondo kontserbaturiko alde zaharra du: katedrala, klerikoen dorrea, Dom Luis I zubia...
Coa Harana eta Siega Verdeko labar-arte guneak	Guarda	1998		Irudi zaharrenak K.a. 22.000 eta 10.000 urteen artean granitoaren gainean egindako irudiek osatzen dute. K.a. V eta I mendeen artekoak ere badaude. Portugal (Coa Harana) eta Espainia (Siega Verde) artean kokaturik dagoen eremua da.
Alto Douroko mahastiak	Bragantza	2001		Douro ibaiaren ertzean kokaturiko mahastiek osatzen dute, eremu malkartsuetan landaturik daude. Erromatarren garaitik datorren tradizioa da. Jatorrizko izendapena dute.
Guimarãesko erdigune historikoa	Braga	2001		Portugalgo konderriaren lehen hiriburua izan zen. Ondasun arkitektoniko ugari ditu, gaztelua, Bragantzako dukeen jauregia, Oliveirako Andre Mariaren eliza...

Erdialdeko eskualdea

Izena	Barrutia	Urtea	Irudia	Deskribapen txikia
Batalhako monasterioa	Leiria	1983		XIV-XVI mendeen artean eraikitako domingotar monasterioa da.
Kristoren Ordenaren komentua	Santarem	1983		XII mendean Templuko Ordenak eraiki eta bere egoitza nagusia bihurtu zen. Mairuen aurkako defentsa lerroa osatu zuen. Henrike Nabigatzailea maestrea izan zen eta espediziotako aberastasunak medio komentua berriztuz joan zen.
Alcobaçako monasterioa	Leiria	1997		XII mendean zistertarrek eraikitako monasterio gotikoa da. Petri I.a, Alfontso II.a eta Alfontso III.a erregeak bertan lurperatuta daude.
Coimbrako Unibertsitatea - Alta eta Sofía	Coimbra	2013		Portugalgo unibertsitate zaharrena da, eta bi mende eta erditan Portugalgo bakarra izan zen.

Lisboako eskualdea

Izena	Barrutia	Urtea	Irudia	Deskribapen txikia
Jeronimotarren monasterioa eta Belémgo dorrea	Lisboa	1983		XVI mendeko Aurkikuntzen Aroaren erakusgarri nabarmenenak dira. Manueldar estiloan eraiki ziren Tajo ibaiaren iparraldeko ertzean, Belém auzoan.
Sintrako Paisaia Kulturala	Lisboa	1995		Mairuen gaztelu garrantzitsua izan zen bertan eta ondoren Penako jauregia Portugalgo errege-erreginen udako egoitza izan zenez Portugalgo aristokraziak bertan eraiki zituen jauregiak.

Alentejo eskualdea

Izena	Barrutia	Urtea	Irudia	Deskribapen txikia
Évorako erdigune historikoa	Évora	1986		Alentejoko hiriburu historiako da. Erromatarren garaiko aztarnak ditu eta Erdi Aroko eraikinak ere bai. Évoratik 10-15 kilometrotara Paleolito garaiko trikuharri eta harrespilak ere badaude.
Elvasko muga garnizoi-hiria eta gotorlekuak	Portalegre	2012		Lehenengo gotorlekua musulmanek eraiki zuten VIII eta XII mendeen artean eta ondoren portugesek berriztu eta handitu egin zuten.

Azoreak

Izena	Barrutia	Urtea	Irudia	Deskribapen txikia
Angra do Heroísmoko erdigune historikoa	Azoreak	1983		Azoreetako hiru hiriburuetako bat da, historikoki garrantzitsuena. 1450an sortu zen.
Pico uharteko mahastizaintzaren paisaia	Azoreak	2004		XV mendetik aurrera basalto bloketan landaturiko mahastiak dira.

Madeira

Izena	Barrutia	Urtea	Irudia	Deskribapen txikia
Madeirako laurisilva	Madeira	1999		Bertako landaretza mota babesteko izendatu zen, izan ere hasierako basoaren %10 inguru mantentzen baita. Hala ere Europan dagoen laurisilva basoo handiena da.