Ireki menu nagusia

Belémgo dorrea

dorre gotortua, Portugalgo Lisboa hiriburuko Belém auzoan kokatua
Jeronimotarren monasterioa eta Belémgo dorrea1
World Heritage Logo global.svg UNESCOren gizateriaren ondarea
Torre Belém April 2009-4a.jpg

Belémgo dorrearen ikuspegia.

Mota Kulturala
Irizpideak iii, iv
Erreferentzia 263
Kokalekua  Portugal
Eskualdea2 Europa / Ipar Amerika
Izen ematea 1983 (VII. bilkura)
1 UNESCOk jarritako izen ofiziala (euskaratua)
2 UNESCOren sailkapena

Belémgo dorrea edo San Bizenteren dorrea (portugesez: Torre de Belém edo Torre de São Vicente) Portugalgo Lisboa hiriburuko Belém auzoan dagoen dorre bat da. Tajo ibaiaren iparraldeko ertzean dago, Belem auzoan.

Eduki-taula

HistoriaAldatu

Manuel I.a Portugalgoaren erregealdian eraiki zen. 1514an hasi ziren lanak, Francisco de Arruda arkitekto zela, baina Jeronimotarren monasterioa ondoan eraikitzen ari zen Diogo Boitaca arkitektoak bukatu zuen 1520an.

1983an UNESCO erakundeak gizateriaren ondare izendatu zuen.

EzaugarriakAldatu

Manueldar estiloan eraikia dago, berez Erdi Haroko dorretxea da baina eragin islamiar nabaria du. Portugalgo artilleriadun lehenengotako gotorleku bat izan zen.

Bi egiturak osatzen dute eraikina: dorreak berak eta azpiko gotorlekuak. Gotorlekuak behatoki itxiak ditu erpinetan, bakoitza laranja aleen itxurako kupulaz ornitua.

Dorreak ere apaindura bikaina du, harrian landutako sokak, galeria irekiak, mozarabe estiloko dorreak eta ezkutu itxura duten almenak ditu. Elementu naturalistak ere ugariak dira, tartean errinozero bat, urrutiko aurkikuntzak sinbolizatzen dituena. Barnealdea ordea gotikoa da, eta oso soila.

Dorreak bost solairu ditu:

  • Lehen solairua: Gobernadorearen Aretoa.
  • Bigarren solairua: Erregeen Aretoa.
  • Hirugarren solairua: Harrera gela.
  • Laugarren solairua: Kapera.
  • Bosgarren solairua: Terraza.

IruditegiaAldatu

Kanpo loturakAldatu