Zamalzaina Zuberoako maskaradako aitzindari edo dantzari nagusietako bat da. Gerrian parpailazko kota batez beztitutako zaldi baten itxura darama. Batzuen arabera zaldizko gerlari bat irudikatzen du, eta beste batzuen ustez zentauroa.[1] Dantzari hoberena izaten da.

Zamalzaina. Larraineko maskarada Barkoxen, 2010ean.

Buruan, lore, luma, xingola eta xaflatxoz apainduta dagoen eta kopetan ispilu bat duen kapela darama. Soinean, jaka gorria, urrez brodatutako bularralde zuriarekin, belus beltzezko galtzak, urre koloreko apaindura eta litsekin, galtzerdi zuriak eta azpantar beltzak ditu, eta eskuan zigor bat. Zaldiaren itxura, 1,50 metro inguruko luzera eta zume edo zur arinezko egitura dituena, estalitako uhalez bitartzen loturik dago dantzariari. Bularralde eta ipurgainean tapaki gorria du, eta honen azpian parpaila zuri zabala. Zaldiaren lepoa eta burua zurezkoak dira.[2]

Pertsonaia honen antzekoak dira Lantzeko inauterietako Zaldikoa eta Sanferminetako zaldiko-maldikoak.[3]

ErreferentziakAldatu

  1. Maskaradako aitzindariak Etxahun.org
  2. Zamalzain Euskomedia.org
  3. Juan Carlos Etxegoien "Xamar": Orhipean: Gure herria ezagutzen (Pamiela, 1992)

Kanpo estekakAldatu