Xeromphalina cauticinalis
Xeromphalina cauticinalis Mycenaceae familiako onddo espezie bat da.[1] Jangarria, denbora luzez egosi ondoren mikatza kentzeko, nahaskietan erabil daiteke. Baina ez du sukaldaritzako interesik, oso haragi gutxi duelako eta kalitate gastronomiko eskasekoa.
Xeromphalina cauticinalis | |
---|---|
![]() | |
Sailkapen zientifikoa | |
Erreinua | Fungi |
Klasea | Agaricomycetes |
Ordena | Agaricales |
Familia | Mycenaceae |
Generoa | Xeromphalina |
Espeziea | Xeromphalina cauticinalis |
Deskribapena
aldatuKapela: 1 eta 2 cm bitarteko diametrokoa, ganbila, unbilikatu samarra. Hori-lehoi kolorekoa edo azafrai kolorekoa, mintzezkoa. Ertza ildaskatua.
Orriak: Zabal samar, subdekurrenteak, kapelaren kolore berekoak.
Hanka: Fistulosoa, horixka goialdean orrietatik gertu; gainerakoa burdin kolorekoa, ia beltza. Erraboil formako zabalgune batekin amaitzen da. Gainazala hareatsua bezalakoa. 2,5 eta 5 cm bitarteko luzerakoa eta 1 eta 1,5 cm bitarteko diametrokoa.
Haragia: Mehea, mintzezkoa, hori-okre kolorekoa.[2]
Etimologia: Xeromphalina terminoa grekotik dator, lehorra, idorra, esan nahi duen "xerós" hitzetik, eta zilbor, zilbor txiki, esan nahi duen "omphalos" hitzetik. Bere zilbor lehorragatik. Cauticinalis epitetoa, mikatza delako du.
Jangarritasuna
aldatuEz du balio gastronomikorik.[3]
Nahasketa arriskua
aldatuHabitata, oinaren kolorea eta erraboila kontuan hartzen baditugu, nahastezina.
Sasoia eta lekua
aldatuUdan eta udazkenean. Mendiko koniferoen eroritako pinu-orratzetan. Ugaria, ehunka alerekin estaltzen du lurzorua, eta belar edo azikulen gainean nabarmentzen da.
Banaketa eremua
aldatuEuropa, Islandia, Australia, Errusia, Hego Korea, Japonia, Honduras eta Ipar Amerika.
Erreferentziak
aldatu- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 281 or. ISBN 84-404-0530-8..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia..