Westmeath konderria

Westmeath konderria (gaeleraz Contae na hIarmhí) Irlandako erdialdean dago kokatuta, Leinsterreko probintzian. 1.764 km2-ko azalera dauka eta 86.164 biztanle ditu (2011). Mullingar/An Muileann gCearr da hiriburua eta hiri nagusia.

Westmeath konderria
Irlandako Errepublika
Administrazioa
Estatu burujabe	Irlandako Errepublika
Province of Ireland	Leinster
ISO 3166-2	IE-WH
Hiriburua	Mullingar
Zatiketa	ikusi Athlone (en) , Mullingar (en) , Mullingar–Coole (en) eta Mullingar–Kilbeggan (en)
Geografia
Koordenatuak	53°30′N 7°30′W
Azalera	1.840 km²
Mugakideak	Meatheko konderria, Offalyko konderria, Roscommoneko konderria, Longfordeko konderria eta Cavan konderria
Demografia
Biztanleria	88.396 (2016)
Dentsitatea	48,04 bizt/km²
Ordu eremua	UTC±00:00
Matrikula	WH

Etimologia

Irlandaren erdialdeko eskualdean kokaturik dago eta bertan izan zen Meatheko Erresumaren mendebaldea hartzen du. Meath hitzak "erdikoa" esan nahi du. Erresuma horrek Meatheko konderria ere hartzen zuen, baita inguruko konderrietako lur ugari ere.

Geografia

Natura

Eremu laua da, punturik altuena Knockeyon da eta 214 metrotako altuera baino ez du. Laku ugari daude konderrian, Lough Derravaragh, Lough Ennell, Lough Cassidy, Lough Lene, Lough Hogg, Lough Owel, Lough Coffey eta Lough Ree dira aipagarrienak.

Hiriak eta herriak

• Mullingar/An Muileann gCearr (20.103 biztanle), hiriburua
• Athlone/An Baile Átha Luain (15.558) Westmeath eta Roscommoneko konderrien artean
• Moate/An Móta (3.046)
• Castlepollard/Baile na gCros or Cionn Toirc (1.107)

Ekonomia

Nekazaritzan oinarrituriko ekonomia dauka, eta dagoen industriaren gehiengoa elikagaien inguruan antolatzen da, batez ere tabakoa eta whiskya.

Abeltzaintzak ere badu indarrik, batez ere behien hazkuntza eta salerosketak, izan ere historikoki merkatal herriak izan baitira konderri honetan. Garrantzitsuena Athlone izan da, garrantzi estrategiko eta militarra ere bai baitzuen. Zaldi haztegiak ere ugariak dira eta Westmeatheko behorrek prestigio handia dute.

Azken urteetan turismoa ere nabarmen igo da konderrian dauden laku ugariei esker.

Ondasun nabarmenak

• Mullingarreko katedrala
• Killua gaztelua
• Clonyn gaztelua
• Ennell aintzira
• Derravaragh aintzira
• Ree aintzira

Kirolak

Konderria ez da askorik nabarmendu joko gaelikoetan. Futbolean baina Athlone Town F.C. taldeak bi Liga (1980 eta 1982) eta Kopa bat (1924) eskuratu ditu.

Iruditegia

• 
  Mullingarreko katedrala
• 
  Shannon ibaia Athlonen
• 
  Clonyn gaztelua
• 
  Lough Derravaragh eta Knockeyon

Kanpo estekak

• Konderriko webgune ofiziala

• Datuak: Q182633
• Multimedia: County Westmeath / Q182633