Vera Mukhina
sobietar eskultorea
Vera Ignatievna Mukhina (errusieraz: Вéра Игнáтьевна Му́хина; Riga, 1889ko ekainaren 19 - Mosku, 1953ko urriaren 6) sobietar eskultorea izan zen.
Rigan jaio zen, merkatari aberatsen familia batean. Beranduago Moskura joan zen bizitzera, eta bertan arte eskolatan hasi zen ikasten, tartean Konstantin Yuonen eta Ilya Maxkoven eskoletan. 1912an Parisera joan zen Académie de la Grande Chaumièreren ikastera, Emile-Antoine Bourdelle irakaslearekin. Italian Pizkundeko eskultura ikasi zuen. Bere obrarik ezagunena Langilea eta kolkhoztarra izan zen, 1937ko Parisko Erakusketa Unibertsalan Sobietar Batasunaren pabiloian jarri zena[1][2].
1918an Aleksei Zamkovekin ezkondu zen. 1953an hil zen, bularreko anginaren ondorioz.
Erreferentziak
aldatu- ↑ Clements, Barbara Evans, ed. (1991). Russia's women: accommodation, resistance, transformation. Univ. of California Press ISBN 978-0-520-07024-0. (Noiz kontsultatua: 2024-06-23).
- ↑ «Worker and Kolkhoz Woman to Come Back :: Russia-InfoCentre» www.russia-ic.com (Noiz kontsultatua: 2024-06-23).