Trent Alexander-Arnold

Trent Alexander-Arnold
	; (2018) Irudi gehiago
Bizitza
Jaiotzako izen-deiturak	Trent John Alexander-Arnold
Jaiotza	Liverpool, 1998ko urriaren 7a (25 urte)
Herrialdea	Erresuma Batua
Lehen hizkuntza	ingelesa
Hezkuntza
Hizkuntzak	ingelesa
Jarduerak
Jarduerak	futbolaria
Ibilbidea
	Parte-hartzailea 2018ko Munduko Futbol Txapelketa ; 2022ko Munduko Futbol Txapelketa ;
Posizio edo espezialitatea	full-back (en) ; erdilaria
Kirol zenbakia	66
Pisua	72 kilogramo
Altuera	175 zentimetro

Trent John Alexander-Arnold (Liverpool, Ingalaterra, Erresuma Batua, 1998ko urriaren 7a) futbol jokalari ingelesa da, Ingalaterrako Premier ligako Liverpool taldean eskuin atzelari bezala jokatzen duena. Munduko atzelari onenetariko bat bezala kontsideratuta dago. 2018ko ekainean debutatu zuenetik Ingalaterrako futbol selekzio nazionalean ere jokatzen du. Futboleko merkatuko balioetan espezializatutako Transfermarkt orrialdearen arabera, 110 milioi euroko balioa du.

Ibilbidea aldatu

Ibilbidearen hasiera Liverpoolen aldatu

Betidanik eta txikitatik Liverpoolen jokatu izan du Arnoldek. Txikitatik futbolzalea, Celtic talde eskoziarraren zalea zela onartu izan du. Behe kategorietan nabarmendu ondoren, 2016. urteko udan 17 urte besterik ez zituela igo zuten lehen taldera.

Lehen taldean hasiera gorabeheratsua (2016-2017) aldatu

2016-2017 denboraldian, bere lehenengoan, ez zuen asko jokatu. Partidu batzuetan bigarren taldearekin joaten zen, eta beste batzuetan oso gutxi jokatu. Azkenean, 12 partidu jokatu zituen lehen taldearekin, ligan eta bi kopa nazionaletan debuta eginez.

Jauzi erabakigarria aldatu

Lehen denboraldi gris baten ondoren, Alexander-Arnold hurrengo denboraldietan askoz minutu gehiago edukitzen joan zen, eta garrantzia irabazi zuen.

2017-2018 aldatu

Hurrengo denboraldian ordea, askoz minutu gehiago edukitzen hasi zen, eta beretzat denboraldi magikoa izan zen hau, txapeldunen ligan debuta egin eta lehen taldean ia 3.000 minutu eduki zituelako, txapelketa guztietan 34 partidu jokatuz.

2018-2019 aldatu

Aurrekoa denboraldi erabakigarria izan bazen, hau bere nibela baieztatu zuen denboraldia izan zen. Sekulako asistentzia mordoa egiteagatik nabarmendu zen, 16 hain zuzen ere.

2019-2020 aldatu

Hurrengo denboraldian bere maila bermatu zuen, eta askoren iritziz munduko eskuin atzelari onena bihurtu. Ingalaterrako selekzioa ere berarekin kontatzen hasi zen. Denera 4 gol sartu zituen, eta 14 asistentzia eman.

22 urterekin jada 2 txapeldunen ligako final jokatu ditu, horietako bat irabaziz.

Selekzio nazionala aldatu

Ingalaterrako selekzioari dagokionez, 2018ko ekainean egin zuen debuta, eta geroztik 12 partidu jokatu ditu, gol bat sartuz. 2018ko munduko futbol txapelketa jokatu zuen, eta bertan Ingalaterra final-erdietara iritsi zen. Behe-kategoria guztietan jokatu zuen, 16 urtez azpikotik 21 urtez azpiko selekziora.

Estadistikak aldatu

2020ko abenduaren 4ean eguneratua.
Kluba	Urtea	Partida(k)	Gola(k)	Asistentzia(k)	Urruntzeak
Liverpool U23	2015 – 2017	14	4	4	-
Liverpool	2016-	145	8	38	1,7 (pt.-ko)

Datuak: Q27569376
Multimedia: Trent Alexander-Arnold / Q27569376