Egun on denoi: gaur efemeride tristea dugu, bost hilabete bete baitira, 2023-2024ko Israel-Palestina gerra hasi zela, dudarik gabe erabakigarria izango dena aurrerantzean munduko, Europako eta, oro har, gure geopolitikan, ekonomian eta gizartean gertatuko diren aldaketetan eta beharbada gatazka handiago baten ataria (hori jazoko ez delakoan, noski). Duela bi hilabete, mezu hau utzi nuen gai honetan laguntzeko, baina penaz ikusten dut ez dela ekarpen handirik izan.
Une honetan, informazioa eguneratzen ez ezik, artikulu nagusia laburtzen ari naiz eta artikulu adarrak sortzen, agertzen den informazio berria horietara bideratzeko, hala nola Gerra krimenak Israel-Palestina gerran, Israelen Gazako inbasioa (2023-2024) edo 2023-2024ko Israel-Palestina gerraren zabalpena. Nazioarteko artikulu baliokideak izan ditzakete, baina ez beti. Adar artikulu berriak sortzen lagundu daiteke, artikulu nagusiko ataletan oinarrituak, edo bestela.
Bestetik, argazkiak eta media gehitu daitezke Commonsetik adar artikulu horietara, une honetan batez ere testua gehitu baitut. Bestalde, testua artikulu nagusitik artikulu berri espezializatuago horietara aldatzean batzuetan hautsi egiten dira estekak. Horiek konpontzen laguntzea ere estimatua izango da. Goraintzi!