The Kid
The Kid (euskaraz: «Haurra») 1921ean estreinatu zen Charlie Chaplinen film mutua da. Chaplinekin batera, Jackie Coogan mutikoa nabarmentzen da haur izar eta protagonista paperean. Egun ezaguna izaten jarraitzen duen film mutuetatik bakarretarikoa da.
| The Kid | |
|---|---|
| Jatorria | |
| Argitaratze-data | 1921 |
| Estreinaldi-data | 1921eko urtarrilaren 21a |
| Izenburua | The Kid |
| Jatorrizko hizkuntza | ingelesa baliorik ez |
| Jatorrizko herrialdea | Ameriketako Estatu Batuak |
| Banatze bidea | eskatu ahalako bideo |
| Ezaugarriak | |
| Genero artistikoa | komedia dramatikoa, film dramatikoa, film mutua eta social comedy film (en)  |
| Hizkuntza | ingelesa |
| Iraupena | 68 minutu |
| Kolorea | zuri-beltzekoa |
| Egile-eskubideak | jabetza publiko |
| Deskribapena | |
| Honen parte da | National Film Registry (en) |
| Grabazio lekua(k) | Los Angeles |
| Zuzendaritza eta gidoia | |
| Zuzendaria(k) | Charlie Chaplin |
| Gidoigilea(k) | Charlie Chaplin |
| Antzezlea(k) | |
| Ekoizpena | |
| Ekoizlea | Charlie Chaplin |
| Konpainia ekoizlea | Charles Chaplin Productions (en) |
| Edizioa | Charlie Chaplin |
| Ekoizpen-diseinatzailea | Charles D. Hall (en) |
| Bestelako lanak | |
| Musikagilea | Charlie Chaplin |
| Argazki-zuzendaria | Roland Totheroh |
        | |
| Bideoa | YouTube |
Sinopsia aldatu
Edna (Edna Purviance) izeneko neskatxa gazte batek, nahi ez duen semea eduki du. Nahigabeturik erabat, bere semea familia dirudun baten autoan uztea erabakitzen du, ume txikia zaintzeko eskatzen duen mezua ondoan jartzen diolarik [1]. Baina, gaizkile batzuk autoa lapurtu eta haurtxo jaioberria aparteko auzo bateko kale ertz batean botata uzten dute. Hantxe aurkitzen du alaia, ez-arduratsua eta inuzentea den ibildaun batek (Charlie Chaplin), zenbaitetan ardura handi hori gainetik kentzen saiatuko denak, baina errukitu eta semetzat hartzeko duenak. Umetxoa hazi eta John izena izango du, 5 urtekoa (Jackie Coogan). Algara sortuko duen bihurrikeriak medio, zoriontsu eta lasai-lasai biziraungo dute aitaordea eta biak auzo pobre batean.
Bitartean, Edna, Johnen berezko ama, aktoresa famatu eta dirudun bihurtu da; semea abandonatu zuen unea ezin du ahaztu eta maiz etorri ohi da auzo pobreetara, umeei jostailuak banatzera. Hortxe dago The Kid. Chaplinek gordeta duen aspaldiko mezua irakurri bezain pronto, Edna galduta duen semea dela konturatzen da. Azkenean, ama-semeak elkarrekin biziko dira eta (Charlie Chaplin) ere urte batzuk atzera umea geratu zen luxuzko etxea hartan bizitzera gonbidatuko dute.
Datu interesgarriak aldatu
Garai hartarako efektu berezi berri asko izan zuen.
Chaplinen inspirazioa bere bizitza pertsonalean oinarritu zen; haurtzaro latza izan zuen eta behar baino azkarrago jaio zen ume jaioberria hil zitzaion. Apartako filma izan zen hura, zuzendariaren bizitzaren zertzelada handiak jaso baitzituen [2].
Datu garrantzitsua da, era berean, Edna Purviancek alkoholarekin zuen arazoa [3]. Askotan iritsi ohi zen mozkortuta grabazioetara eta, ez gutxitan, Chaplinek bere ordea hartuko zuen aktoreren batean pentsatu zuen.
Lita Grey nahiago zuen zuzendariak, baina, azkenean Tentazioaren Aingerua interpretatuko zuen honek. Hori bai, bizitza errealean haurdun geratuko zen 16 urterekin (Chaplinek 35 urte zituen) eta, 1924an, zuzendariarekin ezkonduko zen. Bikoteak bi seme izan zituen, baina berehala hasi ziren arazoak eta, 1927an, banandu egin ziren [4].
Pertsonaiak aldatu
- Ibildauna: Charlie Chaplin
- Edna: Edna Purviance
- The Kid: Jackie Coogan
- Polizia: Tom Wilson
- Tentazioaren Aingerua: Lita Grey
Charles Chaplinek idatzi, zuzendu eta antzeztua.
Erreferentziak aldatu
- ↑ (Gaztelaniaz) http://www.filmaffinity.com/es/film344683.html
- ↑ (Gaztelaniaz) http://www.uhu.es/cine.educacion/cineyeducacion/temaschico.htm
- ↑ (Gaztelaniaz) http://universalium.academic.ru/284391/Purviance,_Edna
- ↑ (Gaztelaniaz) http://elpais.com/diario/1996/01/02/agenda/820537206_850215.html
Kanpo estekak aldatu
Datuak: Q374172
Multimedia: The Kid (1921 film) / Q374172
