Strängnäs

Strängnäs
	urban area in Sweden (en)
	Irudi gehiago
Administrazioa
Herrialdea	Suedia
Konderria	Södermanlandeko konderria
Södermanland	Probintzia
Izen ofiziala	Strängnäs
Posta kodea	645 XX
Geografia
Koordenatuak	59°21′53″N 17°01′21″E / 59.364645°N 17.022545°E
Azalera	6,53 km²
Demografia
Biztanleria	14.803 (2020ko abenduaren 31); 95 (2020)
Dentsitatea	18 bizt/km²
Informazio gehigarria
Telefono aurrizkia	0152
Ordu eremua	UTC+01:00 eta UTC+02:00
Hiri senidetuak	baliorik ez
	http://www.eskilstuna.se/

Strängnäs (suedieraz nyːˈɛskɪlsˈtʉːna ahoskatua) Suediako ekialdeko hiria historikoa da, Södermanlandeko konderrian dagoena. 2010ko erroldaren arabera 12.856 biztanle ditu.

Etimologia

Strängnäs izenak "erreka estuaren istmoa" esan nahi du.

Geografia

Mälaren aintziraren ertzean kokaturik dago, Stockholmgo konderriarekiko mugan. Lurralde muinotsua da, bi aipagarrienak errotaren muinoa eta katedralaren muinoa dira.

Historia

XI mendean San Eskil monje ingelesa Suediara joan zen misiolari eta Mälaren aintziraren hegoaldeko ertzean Tuna izeneko monasterioa sortu zuen, Strängnäsetik 30 kilometrotara (gaur egungo Eskilstuna). Strängnästarrak kristautzen ari zela vikingoek hil egin zuten eta Tunako monasterioan izan zen hobiratua.

1120 urtean Strängnäseko diozesia eratu zen eta ondoren 1250an monasterio bat eta 1291ean katedrala altzatu zituzten eta hauen inguruan herria eratuz joan zen. 1336an Magnus IV.a Suediakoak hiri estatusa eman zion eta urteroko merkatua egiteko baimena lortyu zuenean Södermanland probintziako hiri garrantzitsua bihurtu zen. 1498an kartusiarren komentu bat eraiki zen inguruan. Erlijio Erreforman zeresan handia izan zuten bertako Laurentius Andreae eta Olaus Petri elizgizonek eta 1523an Gustavo I.a Vasa erregeak bertan koroatu zezaten erabaki zuen. Kartusiarren komentua behera bota eta Gripsholm gaztelua eraiki zuen Suediako koroaren gaztelu bihurtuz.

Aro modernoan ordea Strängnäsen garapena moteldu egin zen, Industria Iraultzak ez baitzuen indarik izan bertan. 1871ean gainera sute handi batek hiriaren zati handi bat suntsitu eta berreraiki egin behar izan zen.