Sonia Sánchez
Sonia Teresa Sánchez (Villa Ángela, Chaco probintzia, Argentina, 1964) aktibista feminista, irakaslea eta kultur animatzaile argentinarra da.[1] Sexu-esplotaziorako gizakien salerosketatik bizirik atera zen Sonia, eta prostituzioaren abolizioaren defendatzailea da.[2] 2012an, urteko Emakume Aipagarri aukeratu zuten.[3]
| Sonia Sánchez | |
|---|---|
 | |
| Bizitza | |
| Jaiotza | Villa Ángela (en)  , 1964 (59/60 urte) |
| Herrialdea |  Argentina |
| Hezkuntza | |
| Hizkuntzak | gaztelania |
| Jarduerak | |
| Jarduerak | idazlea |
Biografia aldatu
17 urte zituela, gurasoen gogoz kontra, Buenos Airesera joan zen jaioterritik, etxeko langile gisa, baina soldata urriarekin. Kalera bota zuten, eta sexualki ustiatu egin zuten sei urtez, hemeretzi urte zituenetik.[4] Argentinako Emakume Meretrizeen Elkarteko kide izan zen. Geroago, bere bizi-esperientzia generoari, pertsonen salerosketari eta prostituzioari buruzko gogoeta teoriko eta politikoarekin lotzea erabaki zuen.[5]Sánchez honako adierazpenak egin zituen telebistako "Historias debidas" programan:
Gauzak bere izenez izendatzea gustatzen zait. Puta hitza erabiltzen dut, ezin delako mozorrotu, ezta gezurrik esan ere. Prostituzio-egoeran dauden emakumeak edo sexu-langileak esaten baduzu, errealitatea makilatzen ari zara. Prostituzioa indarkeria eta iraina da, ez da lana. Goseak eta zaurgarritasunak egiten dituzte putak, eta larriena da gaur egun sexu-esplotazioa antolatuta eta globalizatuta dagoela.
Sanchezek abolizionismoaren alde egiten du, eta sexu-lanaren ideia falazia bat dela dio.
Sexu-lanik ez dago, prostituzioa existitzen da, eta: sexu-esplotaziorako pertsonak salerosten dira, prostituzioa existitzen delako. Pertsonen salerosketaren aurka gizarte gisa borrokatzen bagara, prostituzioa errotik kendu behar dugu [6]
Sánchezen aburuz, prostituzioa ez da lana, emakumeen eskubide ekonomiko, sozial eta kulturalak urratzea baizik.
Puta izatea ez da askatasunez aukeratzen, lehendakari, diputatu edo kazetari izatea bezala. Hezkuntza, lan eta etxebizitza faltak bultzatzen du horretara.[7]Sexu-langilea esaten dutenean, indarkeria makilatzen dute, lan hitzak duindu egiten baitu.[8]Prostituzioak egiten duen lehenengo gauza da eskubide-subjektu aktiboa izatetik objektu salgarri izatera pasatzen zarela, edonork erosi eta edonork sal zaitzakeena.[9]
Aintzatespenak aldatu
2012ko martxoaren 8an Chaco probintziako urteko Emakume Aipagarri gisa aukeratua izan zen, emakumeen eskubideen alde egindako lan nekaezina aitortzeko. Politika-, gizarte- eta kultura-arloetako pertsona ospetsuek osatutako epaimahai batek aukeratu zuen, eta, legez eratutako saria merezi zuela irizteaz gain, generoen arteko berdintasuna bilatzeko saria eman zioten.[3]Sarituak «karizia bat ariman» sentitu zuela esan zuen, eta horrek helburu nagusiak lortzeko lanean jarraitzea ahalbidetuko ziola
Prostituta ez da eskubideen subjektua, erabili eta abusatzen den objektua baizik; ez dago bezerorik, prostituzio-torturatzailea dago, zure apaiz aitortzailea izan daiteke; prostituzioa ez da lana, kontzentrazio-eremua da. Argentina herrialde abolizionista da; beraz, prostituzioaren aurka borrokatu behar dugu. Gu sexu-esplotaziorako pertsonen trafikoaren aurka borrokatzen ari bagara, gogor borrokatu behar dugu prostituzioaren aurka, ez baitago aukera librerik.[10]
Lanak aldatu
- María Galindo, Sonia Sánchez. 2007. Ninguna mujer nace para puta. Edición ilustrada de Lavaca Editora, 220 pp. ISBN 9872190038[11][8]
- Sánchez, Sonia (2018). La puta esquina: campo de concentración a cielo abierto. La Minga. ISBN 978-987-46076-8-3. OCLC 1096302319.
Filmografia aldatu
- Impuros dokumentalean parte hartu zuen, Zwi Migdalen historia berreraikitzeko. Florencia Mujicak eta Daniel Najensonek zuzendu zuten 2018an.[9][12]
- La Desobediente filmean parte hartu zuen aktore gisa. Silvia Palumbo Jaimek zuzendutako biodrama da, eta Sonia Sánchez ekintzailearen testuetan oinarritzen da. Prostituzio-egoeran dauden zazpi emakumeren bizitza kontatzen du Plaza Floresen (CABA).[13]
Erreferentziak aldatu
- ↑ Página 12. Veronica Gago. (15 de junio de 2007). DEBATES. Esa palabra. .
- ↑ Velasco, Irene Hernández. (27 de noviembre de 2017). "El mismo hombre que te hace puta, en otro barrio es un marido y un padre". .
- ↑ a b Chaco: Sonia Sánchez es la mujer destacada 2012 – Asociación Pensamiento Penal. .
- ↑ El Argentino. (7 de julio de 2011). Del campo de concentración de la prostitución a mujer desobediente. .
- ↑ Villa Ángela Hoy. Roberto Rosenfeld. (13 de agosto de 2011). La villangelense Sonia Sánchez, autora del libro “Ninguna Mujer nace para puta” en Canal Encuentro. .[Betiko hautsitako esteka]
- ↑ «El desgarrador relato de Sonia Sánchez: "En la prostitución no hay elección libre"». La 100. 7 de febrero de 2020. Consultado el 4 de agosto de 2020.
- ↑ de 2017, Por Gisele Sousa Dias3 de Diciembre. «Sobrevivir a la prostitución: "Tuve que matar a la puta que construyeron dentro de mí"». infobae. Consultado el 4 de agosto de 2020.
- ↑ a b Sonia Sánchez: Escritora y militante feminista | RED/ACCIÓN. 3 de abril de 2019.
- ↑ a b Palacio. (Enero de 2019). Impuros ellos, víctimas nosotras. .
- ↑ «La voz de las putas». Archivado desde el original el 5 de marzo de 2016. Consultado el 29 de junio de 2020.
- ↑ La Plaza de los Prostituyentes (ex Once). 2007.
- ↑ Impuros
- ↑ “La desobediente”, de gira por la zona. Julio de 2017.
Ikus, gainera aldatu
Kanpo estekak aldatu
Datuak: Q5673254
