Simon Poidevin

Simon Poidevin
	; Irudi gehiago
Bizitza
Jaiotza	Goulburn (en) , 1958ko urriaren 31 (66 urte)
Herrialdea	Australia
Hezkuntza
Heziketa	Hegoaldeko Gales Berriko Unibertsitatea ; St Patrick's College, Goulburn (en)
Jarduerak
Jarduerak	hamabosteko errugbilaria
Ibilbidea
Posizio edo espezialitatea	hirugarren lerroko hegala
Jasotako sariak	ikusi Australian Sports Medal (2000ko irailaren 29a) ; Centenary Medal (2001eko urtarrilaren 1a) ;

Simon Paul Poidevin (Goulburn, Hegoaldeko Gales Berria, 1958ko urriaren 31) australiar errugbilari ohia da, hirugarren lerroko hegal postuan aritzen zena. 59 aldiz jokatu zuen Australiako errugbi selekzioarekin eta, besteak beste, 1991ko Munduko Errugbi Kopa irabazi zuen.^[1]

Bizitza

Simon Paul Poidevin Goulburnen jaio zen, Hegoaldeko Gales Berrian, 1958ko urriaren 31n. Hamahiruko errugbin hasi zen jokatzen Goulburneko Our Lady of Mercy eskolan, baina hamabostekora pasatu zen St Patrick's Collegera aldatu zelarik. Goulburn Rugby Union taldean jokatu zuen ondoren, eta baita baita Hegoaldeko Gales Berriko Unibertsitateko errugbi taldean ere. 1982an, Randwickek kontratatu zuen;^[2] bertan, besteak beste, David Campese izan zuen taldekide. 1983an graduatu zen unibertsitatean.

1980an egin zuen debuta Australiako errugbi selekzioarekin, Suvan, Fijiren aurka. Urte berean, Bledisloe Kopa hiru partida jokatu zituen Zeelanda Berriaren aurka.^[1] 1984an, Slam Handia lortu zuen talde nazionalarekin, Ingalaterra, Eskozia, Gales eta Irlanda mendean hartuta Ipar hemisferion egindako biran.

1986an, min harturik zegoen Andrew Slack ordezkatu zuen Australiako kapitain gisa. Hurrengo urtean, Australian eta Zeelanda Berrian jokatutako Munduko Errugbi Kopan parte hartu zuen. 1988an selekzioa utzi arren, 1991ko Munduko Errugbi Kopa jokatzeko itzuli zen, eta baita irabazi ere. Izan ere, Munduko Kopako finala, Twickenham Stadiumen, Ingalaterraren aurka (12-6), izan zuen nazioarteko azken neurketa.^[2]

↑ ^a ^b Simon Poidevin. classicwallabies.com.au (Noiz kontsultatua: 2025-1-19).
↑ ^a ^b Simon Poidevin. Sport Australia Hall of Fame, sahof.org.au (Noiz kontsultatua: 2025-1-19).