Sarvadaman Chowla

Sarvadaman Chowla
Bizitza
Jaiotzako izen-deiturak	सर्वदमन चावला
Jaiotza	Londres, 1907ko urriaren 22a
Herrialdea	Britainiar Raj 1947ko abuztuaren 14a); Indiako Agindupeko Lurra (1947ko abuztuaren 15a - 1950eko urtarrilaren 26a); India (1950eko urtarrilaren 26a -
Heriotza	Laramie, 1995eko abenduaren 10a (88 urte)
Familia
Seme-alabak	ikusi Paromita Chowla (en) ;
Haurrideak	ikusi Inder Chowla (en) ;
Hezkuntza
Heziketa	Government College University (en) 1928) ; Trinity College ; (1929 - 1931)
Tesia	Contributions To The Analytic Theory Of Numbers (en)
Tesi zuzendaria	John Edensor Littlewood
Doktorego ikaslea(k)	John Friedlander; Sanford L. Segal (en) ; Walter E. Mientka (en) ; Arunkumar Madhusudan Vaidya (en) ; Faqir Chand Auluck (en) ; Judith Q. Longyear (en) ; James Henry Jordan (en) ; James Earl Householder (en) ; Frank Benevides Correia (en) ; Marguerite Elizabeth Dunton (en) ; Abdul-Aziz Kasim Nafoosi (en) ; Paromita Chowla (en) ; Hugh Maxwell Wallace Edgar (en) ; Herbert Walum (en) ; Ronald Gale Bierstedt (en) ; Robert Arnold Smith (en) ; James Gerald Huard (en) ; Philip A. Leonard (en) ; Sahib Singh (en) ; Stephen I. Gendler (en) ; Kandiah Thanigasalam (en) ; Paul Hartung (en) ; Mary Jane Cowles (en) ; Morris Jack DeLeon (en) ; Gerald A... Bottorff (en)
Hizkuntzak	hindia; ingelesa
Jarduerak
Jarduerak	matematikaria eta unibertsitateko irakaslea
Enplegatzailea(k)	St. Stephen's College (en) (1931 - 1932); Banaras Hindu University (en) (1932 - 1932); Andhra University (en) (1932 - 1936); Government College University (en) (1936 - 1947); Princetongo Ikasketa Aurreratuen Institutua (1947 - 1949); University of Kansas (en) (1949 - 1952); University of Colorado (en) (1952 - 1963); Pennsylvaniako Estatu Unibertsitatea (1963 - 1976)
Lan nabarmenak	ikusi Ankeny–Artin–Chowla congruence (en) ; Chowla–Selberg formula (en) ; Chowla–Mordell theorem (en) ; Mian–Chowla sequence (en) ; Bruck–Ryser–Chowla theorem (en) ;
Jasotako sariak	ikusi Srinivasa Ramanujan Medal (1982) ;
Sinesmenak eta ideologia
Erlijioa	hinduismoa

Sarvadaman Chowla (Londres, Erresuma Batua, 1907ko urriaren 22a - Laramie, Wyoming, AEB, 1995eko abenduaren 10a) indiar matematikaria izan zen.

Londresen jaio bazen ere, Indian igaro zuen haurtzaroa. 21 urte zituela graduatu zen Lahoreko Government Collegen. Doktorego-ikasketak Ingalaterran, Cambridgeko Unibertsitatean, egin zituen, Littlewooden zuzendaritzapean, eta 1931n bukatu zuen.

Indiara itzuli zenean hainbat unibertsitatetan aritu zen matematika-eskolak ematen: Delhiko St Stephen's Collegen, Benaresko Indiar Unibertsitatean, Waltairko Andhra Unibertsitatean eta Lahoreko Punjab Unibertsitateko Gobernu Eskolan. Indiaren independentzia zela eta, Estatu Batuetara joatea erabaki zuen; han Princetongo Ikerketa Aurreratuetako Institutuko irakasle bisitari izan zen, Kansasko Lawrence Unibertsitatean irakasle hautatu zuten arte (1949). Hiru urte geroago, Boulderko Coloradoko Unibertsitatera joan zen, eta han aritu zen 1963 arte. Urte hartan, Pennsylvania Estatuko Unibertsitateko irakasle-ikertzaile postua eskaini zioten, eta 1976 arte aritu zen bertan.

Chowlak ekarpen ugari egin zituen zenbaki-teoriaren eta konbinatoriaren arloan; 1925-1986 bitartean 350 bat artikulu idatzi zituen. Horietan zenbaki-teoria, analisia, zenbaki analitikoen teoria, forma bitar koadratikoak eta klase-zenbakiak, konbinatoria, ekuazio diofantikoak eta hurbilketa diofantikoak eta oinarrizko zenbakien teoria landu zituen. Bestalde, hainbat matematikarirekin batera lan egin zuen, besteak beste Apostol, Artin, Brauer, Davenport, Erdös, Marshall Hall, Hasse, Herstein, Mordell, Pillai, Rao, Selberg, Shimura, Skolem, Todd, Walfisz eta Zassenhaus. Hortaz, Chowlaren zenbait teorema garrantzitsuk haien izenak dituzte; aipagarriak dira Bruck-Chowla-Ryser teorema (1950), Ankeny-Artin-Chowla teorema (1952), Chowla-Mordell teorema (1962) eta Chowla-Selberg formula.

Gainera, Wolstenholmeren teorema ere orokortu zuen, eta Bernoulliren zenbakietan ere ekarpenak egin zituen. Lan horiek zirela-eta, ohore asko jaso zituen; hala, Padma Bhushan saria jaso zuen Indiako Zientzietako Akademia Nazionalaren eskutik (Indian National Science Academy) eta Norvegiako Zientzia eta Letretako Errege Elkarteko kide ere hautatu zuten.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q967584