Santa Maria della Croce santutegia
Santa Maria della Croce santutegia (italieraz: Santuario di Santa Maria della Croce) Italiako iparraldeko Lombardia eskualdean dagoen santutegi bat da, Crema udalerritik 2 kilometro iparraldera. Basilika txikia ese bada.
| Santa Maria della Croce santutegia | |
|---|---|
 | |
| Kokapena | |
| Estatu burujabe |  Italia |
| Eskualdea |  Lombardia |
| Probintzia | Cremonako probintzia |
| Italiako udalerri | Crema |
| Koordenatuak | 45°22′31″N 9°41′51″E / 45.37529°N 9.69755°E |
 | |
| Altitudea | 79 m, itsas mailaren gainetik |
| Historia eta erabilera | |
| Irekiera | XV. mendea |
| Erlijioa | katolizismoa |
| Elizbarrutia | Roman Catholic Diocese of Crema (en)  |
| Izena | Maria |
| Arkitektura | |
| Arkitektoa | Giovanni Battagio (en) |
| Estiloa | pizkundetar arkitektura |
| Ondarea | |
| Kontaktua | |
| Helbidea | Viale Santa Maria della Croce, 25 |
| Webgune ofiziala | |
Kokalekua aldatu
Santutegia udalerritik 2 kilometro iparraldera dago, Novelletto auzo zaharrean.
Elezaharra aldatu
1489ko otsailaren 13an, Caterina degli Uberti, Cremako familia aberats bateko kidea, Contaglio abizeneko Bartolomeo Pederbelli gizonarekin ezkondu zen. Contaglio bere jaioterri Bergamotik deserriratua zegoen.
1490eko apirilaren 2an, Contaglio bere emaztearekin Bergamorantz abiatu zen. Crematik irtetean, ordea, Novelletto basoan, ezpataz jo zuen eta eskuin eskua moztu zion. Urrezko se txanpon lapurtu zizkion eta alde egin zuen.
Caterinak laguntza eskatu zion Andre Mariari. Neska pobre bat agertu zitzaion, eta honela esan zion: «Ni nauzu deitu duzun hura...». Nekazari baten etxera eraman zuen. Goizean hil zen, sakramentuak jasota.[1]
Novelletton gurutze bat jarri zuten. Maiatzaren 3an izan omen zen estreinako miraria: harrapari batek jaiotzetiko arazoa zuen zango batean, eta ezin zuen oinez ibili. Novellettoko gurutzera eraman zuten, eta bakarrik oinez ibiltzen hasi zen. Kronikek diotenez, egun hartan bertan 80 bat mirari izan ziren.
Egungo basilika aldatu
Lodiko Giovanni Battagio arkitektoak garai hartan egitura moderno eta berritzailea zuen eraikin bat diseinatu zuen, greziar gurutzeko oinplanoarekin: erdiguneko gorputz bat, 35 bat metro garai, kanpoaldetik zirkularra eta barrualdetik oktogonala; hari beste lau gorputz txiki lotu zaizkio, 15 bat metro garai. Eraikinaren kanpoaldea adreilu apaingabeez osatuta dago.
Bibliografia aldatu
- (Italieraz) Silvio della Noce, Sul prodigioso movimento degli occhi dell’Immagine Ave Regina Cœlorum posta nel Santuario di S. Maria della Croce presso Crema, Milan, Tip. Osservatore Cattolico, 1870, ISBN non disponible
- (Italieraz) Angelo Zavaglio, Terre Nostre, Arti Grafiche di Crema, Crema, 1980, ISBN non disponible
- (Italieraz) Tommaso Ronna, Storia della Chiesa di Santa Maria della Croce eretta fuori della R. Città di Crema, Milan, 1825, Reimprimé par l'Editrice Turris de Cremona, 1987, ISBN non disponible
- (Italieraz) AA.VV., Itinerari di fede tra Adda, Oglio e Po, Arti Grafiche Rossi, Soresina, 1994, ISBN non disponibile - Fiche du sanctuaire par Cesare Alpini
- (Italieraz) Fabrizio Loffi, S. Maria, il restauro compie cent'anni, en La Cronaca, 26 octobre 2003
- (Italieraz) Giorgio Zucchelli, S. Maria della Croce, Ed. Il Nuovo Torrazzo, Crema, 2003, ISBN non disponible
- (Italieraz) Gruppo Antropologico Cremasco, I campanili della Diocesi di Crema, Leva Artigrafiche, Crema, 2009, ISBN non disponible
Argazki galeria aldatu
-
Aldare nagusia, gurtza eukaristiko batean. -
Kristo hila, Bernardino Campi artistarena. -
Santutegiaren mendebaldea. -
XIX. mendeko irudia.
Erreferentziak aldatu
- ↑ Tommaso Ronna: «Sentenza Criminale. Copia tratta dal Registro delle Sentenze Criminali del 1490 nella Cancell.a Pretoria di Crema», in Storia della Chiesa di Santa Maria della Croce eretta fuori della R. Città di Crema, Milano. 1825.
Kanpo estekak aldatu
- (Italieraz) Santa Maria Santutegiaren gune ofiziala
Datuak: Q3950073
Multimedia: Santa Maria della Croce (Crema) / Q3950073
