San Salbador eliza (Vilar de Donas)

San Salvador eliza Vilar de Donasen dagoen tenplua da (Palas de Rei, Lugo, Galizia). 1931n monumentu historiko-artistiko izendatu zuten.

San Salbador eliza (Vilar de Donas)
UNESCOren gizateriaren ondarea Kultura ondasuna
[[]]
Irudi gehiago
Kokapena
Estatu burujabe	Espainia
Autonomia	Galizia
Probintzia	Lugoko probintzia
Galiziako udalerrien zerrenda	Palas de Rei
Galiziako parrokia	Vilar de Donas
Koordenatuak	42°53′33″N 7°48′34″W
Historia eta erabilera
Erlijioa	katolizismoa
Elizbarrutia	Roman Catholic Diocese of Lugo (en)
Izena	Jesus Nazaretekoa
Gizateriaren ondarea
Erreferentzia	669-760
Eskualdea	Europa eta Ipar Amerika
Izen-ematea	bilkura)
BIC	RI-51-0000713

Jatorrian eliza monastikoa izan zen. Haren sortzailea Arias Pérez de Monterroso izan zen, XII. mendearen erdialdean.

Deskribapena

Kanpoaldea

Gurutze latindar formako oinplanoa du, eta burualdean hiru abside erdizirkular. Portada nagusia xake-formako arkuz apainduta dago (1230. urtearen inguruan datatuak). Portada kontrahormen eta teilatu-hegal baten artean kokatzen da. Teilatu-hegalak harburuak ditu. Erlaitzean hiru irudi daude: Birjina gotikoa Haurrarekin, San Migel eta San Bartolome.

Barrualdea

Nabe nagusiak bi isuriko egurrezko teilatua dauka, gurutzaduraren iparraldeko besoak bezala; hegoaldeko besoak kanoi-ganga dauka, eta gurutzadurak gurutze-ganga.

Kapera nagusira arku hirukoitz baten bidez iristen da. Joan II.aren garaiko pintura gotikoekin apainduta dago. Gurutzaduraren iparraldeko besoan harrizko baldakin bat eta San Gregorioren meza irudikatzen duen harrizko erretaula bat nabarmentzen dira.

Barruan hilobi hauek daude: Fernán Ares Noguerolena, 1378koa, eta Santiago Pérez de Ulloarena, 1410. urtean hildako Santiagoko Ordenako zaldunarena.

Irudi-galeria

• 
  Ataria
• 
  Absideak
• 
  Ikuspegi orokorra
• 
  Hilobiak
• 
  Margoak
• 
  Barrualdeko ikuspegia

Kanpo estekak

• https://www.turismo.gal/recurso/-/detalle/5396/igrexa-monacal-de-san-salvador-de-vilar-de-donas?langId=es_ES

• Datuak: Q5410477
• Multimedia: Church of San Salvador de Vilar de Donas / Q5410477