Ryan's Daughter

Ryan's Daughter
Jatorria
Argitaratze-data	1970
Izenburua	Ryan's Daughter
Jatorrizko hizkuntza	ingelesa
Jatorrizko herrialdea	Erresuma Batua
Banatze bidea	eskatu ahalako bideo
Ezaugarriak
Genero artistikoa	film dramatikoa eta eleberri batean oinarritutako filma
Iraupena	189 minutu
Kolorea	koloretakoa
Deskribapena
Oinarritua	Madame Bovary
Zuzendaritza eta gidoia
Zuzendaria(k)	David Lean
Gidoigilea(k)	Robert Bolt
Antzezlea(k)
	Robert Mitchum ; Sarah Miles ; John Mills ; Christopher Jones ; Trevor Howard ; Leo McKern ; Barry Foster ; Evin Crowley ; Marie Kean (en) ; Barry Jackson
Ekoizpena
Ekoizlea	Anthony Havelock-Allan (en)
Konpainia ekoizlea	Metro-Goldwyn-Mayer
Edizioa	Norman Savage (en)
Bestelako lanak
Musikagilea	Maurice Jarre
Argazki-zuzendaria	Freddie Young
Fikzioa
Kontakizunaren tokia	Irlandako Errepublika
Argumentu nagusia	Irlandako Armada Errepublikazalea (1919-1921)a
Historia
Jasotako sariak	National Board of Review: Top Ten Films (en) ; Argazkigintza onenaren Oscar Saria ; 43. Oscar Sariak ; Taldeko gizonezko aktore onenaren Oscar Saria ; 43. Oscar Sariak
Nominazioak	Taldeko gizonezko aktore onenaren Oscar Saria ; 43. Oscar Sariak ; John Mills; Argazkigintza onenaren Oscar Saria ; 43. Oscar Sariak ; Freddie Young; Emakumezko aktore onenaren Oscar Saria ; 43. Oscar Sariak ; Sarah Miles; Soinu onenaren Oscar Saria ; 43. Oscar Sariak ; Gordon McCallum (en) , John Bramall (en)

Ryan's Daughter (euskaraz Ryanen Alaba) 1970eko David Lean britainiarrak zuzendutako amodiozko drama film bat da. Gustave Flaubert frantziar idazlearen Madame Bovary (1856) eleberriaren berrinterpretazio bat da. Robert Mitchum, Sarah Miles, John Mills, Christopher Jones, Trevor Howard, Leo McKern eta Barry Foster aktoreek antzeztu zuten.

1970eko Gizonezko bigarren aktore onenaren Oscar Saria (John Mills) eta Argazkigintza onenaren Oscar Saria irabazitu zituen, adliz 1970eko Emakumezko aktore onenaren Oscar Saria (Sarah Miles) eta Soinu onenaren Oscar Sarirako ere izendatua egon zen.

1916. urte inguruan Irlandako hego-mendebaldeko kostaldeko herrixka batean girotuta dago, hain zuzen ere, Pazko matxinada jazo zen garai nahasian. Filma honen soinu banda ahaztezina Maurice Jarre konposatzaile ospetsuak konposatu zuen.

Argumentua

Oharra: Atal honek istorio osoa edo amaiera argitzen du.

Irlanda, Lehen Mundu Gerra garaian, herrialdeak une latzak bizi ditu, alde batetik Lehen Mundu Gerran borrokatzeko xedez eta gehienbat egoera ekonomiko txarrak hala beharturik Britainiar Armadan milaka eta milaka irlandar boluntario alistatu dira, beste aldetik, herrialde honetan britainiarren aurkako sentimendu irlandar abertzalea nagusituz doa eta matxinadak gertatzeko arriskua gero eta argiagoa da: britainiar soldaduek irlandar biztanleriaren sumindura pizten dute eta irlandar nazionalistek matxinada bat antolatzen ari direlako zumurrua ere pil-pilean dago (1916ko Pazko Matxinada).

Dingle penintsulako kostaldeko herrixka isolatu batean, Rosy Ryan (Sarah Miles) neska gazte kaxkarina Tom Ryan (Leo McKern) tabernariaren alaba bakarra da.

Rosy neskatil ameslaria maitasun sutsu baten zain dago, bai eta gazte fin eta hezitu bat izateko gogoz ere, hortaz, Irlandako mendebaldeko azken txoko galduan dagoen kostaldeko herrixka horretan ez dago batere gustura. Baserritar hezigabe eta arlotez beteriko eskualde horretan, Rosyk bere mailara dagoela uste duen bertako gizonezko bakarra herriko eskolako maisua da, Charles Shaughnessy (Robert Mitchum) gizon heldua, alarguna, zintzoa eta zentzuduna, Rosy baino dexentez zaharragoa. Rosy maisuaz maiteminduta dago eta azkenean biak ezkondu egingo dira.

Halere, herrixkara Lehen Mundu Gerrako frontean zauritutako britainiar ofizial gazte bat iritsi berri da, Randolph Doryan (Christopher Jones) ofizial atsekabetua da, berarekin bat gerra trauma eta ametsgaiztoak baidakartza, halere Rosy neskatila britainiar militar gazteaz maiteminduko da.

Istorioa gero eta nahasiagoa bilakatuko da, bertan herriko apaiza (Trevor Howard), britainiarren aurkako jarrera garbia duten herritarrak eta irlandar erresistentziako O'Leary (Barry Foster) buruzagi errebeldea ere katramilan sartuko dira, amaiera ustegabekoa izango delarik.

Aktoreak

Sarah Miles: Rosy Ryan
Robert Mitchum: Charles Shaughnessy
Trevor Howard: Aita Hugh Collins
John Mills: Michael, "herriko ergeltxoa"
Christopher Jones: Randolph Doryan, ingeles ofiziala
Leo McKern: Tom Ryan, herriko ostatuaren jabea eta Rosyren aita
Barry Foster: Tim O'Leary, irlandar independentista
Gerald Sim: Smith kapitaina
Evin Crowley: Moureen Cassidy
Marie Kean: McCardle andrea
Arthur O'Sullivan: Joe McCardle
Brian O'Higgins: O'Connor poliziaburua
Barry Jackson: ingeles kaporala

Kritika

Garai hartako kritikak filma zapuztu egin zuen, halere gaur egun askok David Lean zuzendariaren filme onenen artean sailkatu ohi dute. Zinema antzokiek ez zioten bizkarrik eman, ikuslego handia izan zuen.

Kokalekua

Filma hau Irlandako hego-mendebaldeko kostalde basati eta ederrean kokatuta dago. Dingle penintsulan filmatu zen, Dún Chaoin herrian eta Slea Head lurmuturrean hain zuzen ere.

Kanpo estekak

Ryan's Daughter filmaren IMDBko fitxa irakurgai (Ingelesez)
Ryan's Daughter filmaren trailer edo iragarkia ikusgai. youtube.com (Ingelesez)

Datuak: Q1423795
Multimedia: Ryan's Daughter / Q1423795