Ruth Robertson
Ruth Agnes McCall Robertson Marietta (Taylorville, AEB, 1905eko maiatzaren 24a – Texas, AEB, 1998ko otsailaren 17a) estatubatuar fotokazetaria zen. Haren bizitza eta lana lorpen aitzindariek markatu zituzten, bereziki Venezuelako Angel ur-jauziaren argazkiek.[1][2][3][4]
| Ruth Robertson | |
|---|---|
| Bizitza | |
| Jaiotza | Taylorville (Illinois), 1905eko maiatzaren 24a |
| Herrialdea |  Ameriketako Estatu Batuak |
| Heriotza | 1998ko otsailaren 17a (92 urte) |
| Jarduerak | |
| Jarduerak | argazkilaria, fotokazetaria eta kazetaria |
| Jasotako sariak | |
Biografia aldatu
1905ean jaio zen Taylorvillen (Illinois). Ama Somerset-eko (Kentucky) kazetari-familia batekoa zen, eta aita margolari eta argazkilari eskoziarra. Ruth Robertsonek Galesburgeko Knox Collegen eta Peoriako Bradley Unibertsitatean (Illinois) ikasi zuen.[5][5]
1939an, The Peoria Evening Star egunkariak kontratatu zuen argazkilari gisa, egunkari hartako lehen emakume argazkilaria izan zen.[5] Hiru urte geroago, Chicagora joan zen, eta ACME Newspictures-en hasi zen lanean, gerora, United Press Internationalen integratua.[6] Hainbat ekitaldi estali zituen, hala nola, Chicagon egindako Alderdi Demokrataren eta Alderdi Errepublikarraren konbentzio nazionalak, edota kirol-ekitaldiak. Fotokazetari gisa jardun zuen, hau da, gizonak nagusi ziren jarduera-eremuan. Gero, 1945ean, gerra-berriemaile bihurtu zen. Alaska eta Aleutiar eskualdeetara lekualdatu zuten. Posizio japoniarren aurkako mugimendu estatubatuar eta errusiarrak jarraitu zituen, eta Kuriletako uharte japoniarrak bonbardatzen zituzten pilotuekin hegan egin zuen. Alaskari buruzko bere artikuluak eta argazkiak hainbat egunkaritan eta National Geographic aldizkarian argitaratuak izan dira.[5][7]
Baina argazkilari gisa duen ospea Venezuelako Angel ur-jauziaren esplorazio eta dokumentazio apartari esker lortu zuen, bigarren mundu-gerraren ondoren hain zuzen ere; erorikoak zehatz jaso zituen, eta lurretik lehen aldiz argazkiak atera zizkien.[6][5] Ur-jauzi horiei 1949ko apirilean ateratako argazkiek nazioarte-mailan harrera izan zuten. Bere lanaren emaitza National Geographic aldizkarian argitaratu zen 1949ko azaroan, bere ospea ezarriz.[1]
Ruth Robertson, 1950eko hamarkadaren zati handi batean, Venezuelan bizi izan zen, eta bertan lan egin zuen. 1951n, Charles Marietta Atlantic Fining Companyko ingeniariarekin ezkondu zen, baina bere jatorrizko izena atxikiz argazkiak sinatzeko. Kronikak eta oroitzapenak idatzi zituen. Time-Life aldizkarirako korrespontsal gisa ere aritu zen lanean. 1958an, Venezuelan gero eta tentsio politiko handiagoak zeudenez, bera eta senarra Mexikon finkatu ziren.[5]
Ruth Agnes McCall Robertson Marietta 1998an hil zen, Texasen.[5]
Autobiografia aldatu
- Churun Meru. The Tallest Angel: Of Jungles and Other Journeys, Whitmore Publishing, 1975. ISBN 0-87426-039-6
Ikus, gainera aldatu
Erreferentziak aldatu
- ↑ a b «Ruth Robertson» Bing (Noiz kontsultatua: 2023-12-27).
- ↑ (Gaztelaniaz) «Ruth Robertson: la mujer que trazó la ruta hacia el Salto Ángel» Paperblog (Noiz kontsultatua: 2023-12-27).
- ↑ (Gaztelaniaz) «Ruth Robertson» Viaja el mundo 2020-12-19 (Noiz kontsultatua: 2023-12-27).
- ↑ Biern, Pedro. (2012-12-29). «EXPLORANDO A VENEZUELA: Ruth Robertson: la mujer que trazó la ruta hacia el Salto Ángel» EXPLORANDO A VENEZUELA (Noiz kontsultatua: 2023-12-27).
- ↑ a b c d e f g Ruth Robertson : An Inventory of Her Collection. .
- ↑ a b Jorge M. González. (2019). «May 12, 1949: 70 years ago, Ruth Robertson's expedition reached Angel Falls» The Wall Street International.
- ↑ ISSN https://biencomunenblog2014.files.wordpress.com/2014/08/ruth.pdf..
Kanpo estekak aldatu
Datuak: Q7383188
