Roberto Fraile

Roberto Fraile
	;
Bizitza
Jaiotza	Barakaldo, 1974
Herrialdea	Bizkaia, Euskal Herria
Heriotza	Arliko Parke Nazionala, 2021eko apirilaren 26a (46/47 urte)
Heriotza modua	terrorismoa; giza hilketa
Jarduerak
Jarduerak	kazetaria eta kameraria
Jasotako sariak	ikusi Meritu Zibileko Ordenaren Gurutze Handia (2021) ;

Roberto Fraile (Barakaldo, 1974 – Burkina Faso, 2021eko apirilaren 27a) euskal kazetari, argazkilari eta kameralaria izan zen.

Barakaldon jaioa, Salamancara joan zen bizitzera hainbat komunikabidetarako lan egin zuen, askotan freelance. 1990eko hamarkadatik Salamancako telebistan ibili zen eta urte batzuetan Salamancako La 8ra joan zen. Bere ibilbidearen zati handi bat Gaztela eta Leongo Irrati Telebista publikoan eman zuen.

Lan hauek gatazka armatuetara hurbildu eta bertan grabaketak egitearekin uztartzen zituen. 2012an Alepon izandako leherketa baten ondorioz zauritu zen, matxinoen tropak grabatzen ari zela. Bere bizitzako azken urteetan dokumentalak egin zituen Kolonbian eta Brasilen.

Hilketa

Sakontzeko, irakurri: «Bi euskal kazetariren hilketa Burkina Fason»

2021ean, David Beriainekin batera, eta beste ekintzaile batzuekin batera, bahitu eta hil egin zuten Burkina Fason ingurumena babesten zuen GKE baten ezkutuko ehizari buruzko dokumental bat grabatzen ari zela. David Beriain kazetariarekin batera dokumentala grabatzen ari zirela biak hil zituzten, eta haiekin batera, Burkina Fasoko herritar bat eta Irlandako beste ekintzaile bat ere bahitu eta hil zituzten, Kompienga probintziako Pama hiriari segada batean erori ondoren.^[1]^[2]

Erreferentziak

↑ «David Beriain eta Roberto Fraile Euskal Herriko kazetariak hil dituzte Burkina Fason» Argia (Noiz kontsultatua: 2021-04-28).
↑ Andoni Imaz, Gotzon Hermosilla. «David Beriain eta Roberto Fraile euskal kazetariak hil dituzte Burkina Fason izan den eraso batean» Berria (Noiz kontsultatua: 2021-04-28).

Ikus, gainera

Bi euskal kazetarien hilketa Burkina Fason

Kanpo estekak

Datuak: Q106639846

[1] «David Beriain eta Roberto Fraile Euskal Herriko kazetariak hil dituzte Burkina Fason» Argia (Noiz kontsultatua: 2021-04-28).

[2] Andoni Imaz, Gotzon Hermosilla. «David Beriain eta Roberto Fraile euskal kazetariak hil dituzte Burkina Fason izan den eraso batean» Berria (Noiz kontsultatua: 2021-04-28).

[1]

[2]