Rickenella fibula
Rickenella fibula Repetobasidiaceae familiako onddo espezie bat da.[1] Ez da erabiltzen sukaldean haragi gutxi duelako (kapela nanoa, oin liraina)
| Rickenella fibula | |
|---|---|
_Raithelhuber_178120_cropped.jpg) | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Hymenochaetales |
| Familia | Repetobasidiaceae |
| Generoa | Rickenella |
| Espeziea | Rickenella fibula Raithelh., 1973 |
Sinonimoa: Mycena fibula.
Deskribapena aldatu
Kapela: Oso txikia (1mm-tik beherakoa), lehenengo erdiesferikoa eta ondoren lau-ganbiletik deprimitu-unbilikatura. Ertza soberakinekin, inkurbatua, batzuetan izurtua, pixka bat koskaduna eta ildaskatua gardentasunagatik. Azal leuna, matea, pixka bat zetaduna, erradialki ildaskatua, laranja kolore ilunekoa eta zertxobait horixka ertzerantz.
Orriak: Okertuak, nahiko lodiak, oso dekurrenteak, zuritik kremara doan kolorekoak.
Orri dekurrenteak: Hanka ukitzeaz gain, beherantz jarraitzen duten orriak.
Hanka: Oso luzea eta liraina, zilindrikoa, batzuetan kurbatua, leuna, zertxobait pruinaduna, laranja kolorekoa.
Haragia: Hutsala, laranja kolorekoa. Usain nabarmenik gabea eta zapore gozokoa.[2]
Etimologia: Rickenella terminoa Adalbert Ricken (1851-1921) mikologo alemanari eskainia dago. Fibula epitetoa latinetik dator, eta hau esan nahi du: hanka luzeko onddo gisa eta kapela gisa.
Jangarritasuna aldatu
Ez du sukaldaritzarako balio.[3]
Nahasketa arriskua aldatu
Mycena acicula delakoarekin nahas daiteke, baina honen orriak ez dira dekurrenteak, eta adar eta hosto hiletan hazten da.[4]
Sasoia eta lekua aldatu
Udaberri eta udazken euritsuetan. Gune oso heze eta freskoetako goroldioetan. Lurzoru buztintsuetan.[5]
Banaketa eremua aldatu
Mundu osoan barreiatzen da, kontinente guztietan zehar, eta habitat ugaritan garatzen da.[6]
Erreferentziak aldatu
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 129 or. ISBN 84-282-0865-4..
- ↑ (Gaztelaniaz) Cetto, Bruno. (1987). Guia de los hongos de Europa. Ediciones Omega, S. A. Barcelona, 415 or. ISBN 84-282-0541-X (T. 3). ISBN: 84-282-0538-8 (O.C.)..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Calvo Pérez Javi. (2006). El mundo de las setas. Asociacion Micológica Fungipedia, Es or..
- ↑ Rickenella fibula: GBIF—the Global Biodiversity Information Facility.
Kanpo estekak aldatu
Datuak: Q1770667
Multimedia: Rickenella fibula / Q1770667
