Porto Santo uhartea

Porto Santo
	uhartea
	Irudi gehiago
Administrazioa
Herrialdea	Portugal
Probintzia	Funchal
Alkatea	Fátima Filipa de Menezes (PSD)
Izen ofiziala	Porto Santo
Posta kodea	9400
Geografia
Koordenatuak	33°04′N 16°22′W / 33.06°N 16.36°W
Azalera	42,48 km²
Demografia
Dentsitatea	129.07 bizt/km²
Informazio gehigarria
Sorrera	1835
	http://www.cm-portosanto.pt/ www.cm-portosanto.pt

Porto Santo uhartea Portugalgo uhartea eta udalerria da, Madeirako uhartedian kokatutakoa. 42.5 km2-ko azalera du, eta 4.474 biztanle 2001ean (106 biz/km2).

Fregesia bakarra eta Vila Baleira izeneko hiria barne hartzen du.

Historia aldatu

XIV mendean aipatzen bada ere 1418ko expedizio portugesak aurkitu zuen ofizialki Porto Santo uhartea ekaitz batek itsasontzia desbideratu zuenean. Ekaitz hartan babeserako kaia mirariz aurkitu zutenez Porto Santo izena eman zioten. Portugalgo lehenengo kolonoak 1420ko hamarkadan iritsi ziren.

1445eko azaroan Bartolomeu Perestrelo ezarri zuten uharteko agintari. Berak untxi eme bat askatu zuen uhartean eta hainbeste ugaldu zen uharteko landaretza ia erabat desagertarazi zuela. Hurrengo etorri ziren kolonoen haziak ekarri zituzten Europatik uhartea birlandatzeko. Kristobal Kolon agintariaren alabarekin ezkondu zen eta bertan bizi izan zen denbora labur batez. gaur egun beren etxea museo bihurtua dago.

Hurrengo mendeetan bizimodua latza izan zen, ur edangarriaren eskasiagatik eta pirata frantses eta afrikarren erasoen erruz.

Geografia aldatu

Uharteak bi eremu oso desberdin ditu, ipar-ekialdeko eremu labartsu eta menditsua, inor bizi ez dena, eta hego mendebaldeko lautada, bederatzi kilometroko hondartza duena eta biztanleria guztia hartzen duena.

Mendi garaienak Pico do Facho (517m) eta Pico da Gandaia (499m) dira.

Klima aldatu

Datu klimatikoak (Vila Baleira)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	18.0	18.0	19.0	19.5	21.0	22.1	24.0	25.0	25.0	23.2	21.0	19.2	21.1
Batez besteko tenperatura minimoa (°C)	13.2	13.1	13.3	14.0	15.1	17.1	19.0	20.0	20.0	18.1	16.2	14.4	16.1
Pilatutako prezipitazioa (mm)	48.7	40.2	37.2	23.5	14.0	7.0	3.2	4.0	23.7	39.9	50.0	69.9	361.3
Iturria: World Meteorological Organization (UN), Instituto de Meteorologia, Normais Climatológicas do Porto Santo (1971-2000).