Munduko Meteorologia Erakundea

Munduko Meteorologia Erakundea (ingelesez: WMO, World Meteorological Organization) Nazio Batuen Erakundearen barneko erakunde espezializatu bat da, 1947an sortua (eta 1950ean ezarria), eta haren helburua da estatuetako meteorologia-zerbitzuen arteko lankidetza ziurtatzea eta erraztea eta neurketa-tresnak eta behaketa-metodoak batzea.

Munduko Meteorologia Erakundea
Flag of the World Meteorological Organization.svg
World Meteorological Organization (32807705467).jpg
Datuak
Izen laburraWMO
MotaNazio Batuen agentzia espezializatua
HerrialdeaSuitza
Agintea
LehendakariaGerhard Adrian (en) Itzuli
Idazkari orokorraPetteri Taalas (en) Itzuli
Egoitza nagusi
Historia
Sorrera1950eko martxoaren 23a
Jasotako sariak
Webgune ofiziala
Facebook: WorldMeteorologicalOrganization Twitter: WMO Instagram: wmo_omm Youtube: UCMCDaG2oNwzEZLTk4ZJiWjg Vimeo: wmo Flickr: worldmeteorologicalorganization Edit the value on Wikidata

189 estatu eta lurralde kide ditu ([1]). Haren jatorria Nazioarteko Meteorologia Erakundea da, 1873an Vienan sortu zen erakundea.

WMOren egoitza nagusia Genevan dago, Suitzan.

EgituraAldatu

WMOk 250 langile inguru ditu. Honela osatuta dago:

  • Munduko Meteorologia Kongresua. Lau urtez behin egiten da, eta berari dagokio WMOren politika erabakitzea. Estatu kide bakoitzak ordezkari iraunkor bat du, estatuko meteorologia- edo hidrometeorologia-zerbitzu ofizialeko burua izan behar duena.
  • Batzorde Betearazlea. Berari dagokio Kongresuaren erabakiak gauzatzea. Urtean behin biltzen da.
  • Sei eskualde-elkarte, eskualde-mailako arazoetarako: I (Afrika), II (Asia), III (Hego Amerika), IV (Ipar Amerika, Erdialdeko Amerika eta Karibe), V (Hego-mendebaldeko Pazifikoa) eta VI (Europa). Antartika ez dago inongo eskualde-elkartetan.
  • Zortzi batzorde tekniko, WMOri eta estatuetako meteorologia-zerbitzuei aholku teknikoak emateko
  • Idazkaritzak, idazkari nagusia buru, WMOren jarduerak koordinatzen ditu.

HelburuakAldatu

Erakundearen helburuak hauek dira:

  • Nazioarteko lankidetza bideratzea, meteorologia-behaketak eta kidekoak egiteko estazio-sareak sortzeko.
  • Meteorologia-informazioa azkar trukatzeko sistemak sortzea eta mantentzea sustatzea.
  • Meteorologia-behaketen normalizazioa sustatzea, eta behaketen eta estatistiken argitalpen uniformea ziurtatzea.
  • Meteorologiaren aplikazioa areagotzea abiazioan, itsas nabigazioan, uraren arazoetan, nekazaritzan eta beste giza jarduera batzuetan.
  • Hidrologia operatiboaren arloko jarduerak sustatzea eta zerbitzu meteorologikoen eta hidrologikoen arteko lankidetza estuari eustea.
  • Meteorologiaren ikerketa eta irakaskuntza sustatzea, eta jarduera horien nazioarteko alderdien koordinazioan laguntzea.

Kanpo estekakAldatu