Egoera fisiopatologiko bat da pneumotoraxa. Bertan birika horma zulatu egiten da pleura barneko presioa presio atmosferikoarekin berdinduz. Hori dela eta, pleura barneko presioa eta presio albeolarra berdinak izango dira eta ez da presio transpulmonarrik egongo. Ondorioz, birikak kolapsatu egingo dira eta ezinezkoa izango da arnasa hartzea barneko airea kanpora ateratzen delako.
Pneumotoraxa eragiten duten arrazoi nagusienak hauek dira:
Espontaneoa. Aurretiko traumatismorik gabe agertzen da. Gizon altu eta argaletan eta Marfan sindromea dutenentan ohikoagoa da. Pneumotorax espontaneo primarioa eta sekundarioa bereiz daitezke, gaixoak aurretik birika gaixotasunen bat izan ala ez.
Traumatikoa. Eragilea bi pleura geruzen artean aire sarrera eragiten duen traumatismo bat da.
Pneumotoraxa medikuaren jardueraren eraginez ere ager daiteke, esaterako, zain zentraletan (subklabia edo jugularrean) kateter bat jartzearen ondorioz. Arraroa den arren, larria da eta berehalako tratamendua beharrezkoa da.
Barrunbe torazikoan odol pilaketa gertatzen bada (hemotoraxa), arazoa larriagoa bihurtuko da, hemopneumotoraxa garatuko baita.
, emphysema (en) 
Datuak: Q203601
Multimedia: Pneumothorax / Q203601
