Ireki menu nagusia

BizitzaAldatu

Familia aristokratiko baten baitan jaio zen eta hezkuntza erlijioso zorrotza jaso zuen. Hasieran batean, familiaren tradizioari jarraiki, karrera militarrari ekin bazion ere, laster utzi egin zuen. Zientzia politikoak ikasi zituen, baina graduatu ondoren, historia eta pedagogia lantzen hasi zen. Pobrezia gorrian hil zen Genevan 1937 urtean. Bere gorpua Lausanan ehortzi zuten, Nazioarteko Olinpiar Batzordearen egoitzaren ondoan eta bere bihotza Olinpo mendira eraman zuten.

Coubertin eta Olinpiar JokoakAldatu

1882 urtean Olinpiar Jokoak berrezartzearen proposamena luzatu zuen. Bere ekimenez, 1896an ospatu ziren Atenasen lehenengo Olinpiar Joko modernoak. Joko hauen ondoren, Nazioarteko Olinpiar Batzordearen presidente izendatua izan zen. Bere idealak berak idatzitako Karta Olinpikoa izeneko agirian agertzen dira, non militarismorik gabeko kirol-hezkuntzaren alde eta kirolaren bitartez pertsonen eta herrien arteko elkartasuna eta pakea lortzeko aldarrikapena egiten den. Olinpiar bandera ere berak diseinatu zuen. 1925 urtean, Olinpiar Jokoak bereganatzeko herrialdeen arteko borroketaz gogaiturik, bere dimisioa aurkeztu zuen Nazioarteko Olinpiar Batzordeko presidente moduan.

Ikus, gaineraAldatu

Wikimedia Commonsen badira fitxategi gehiago, gai hau dutenak: Pierre de Coubertin