Wikipedia

P.A.I.N.

P.A.I.N. edo PAIN (Prescription Addiction Intervention Now) Nan Goldin artistak eta beste kaltetu batzuek opioideen krisiari erantzuteko sortutako defentsa-erakunde bat da, Sackler familiari aurre egiteko bereziki sortua, Purdue Pharma korporazioaren bidez Oxycontin droga ekoizten eta banatzen sortua delako neurri handi batean opioideen osasun larritasuna.[1] Errezatengatiko Adikzioan Eskuhartzea Orain esan nahi du erakundearen ingelesezko izenak, baina PAIN laburtuta, mina esan nahi du hitzak ingelesez, eta painkiller terminoarekin ere lotzen da, min-hiltzaileak botika analgesikoak baitira ingelesez, botika opioide batzuek okupatu duten farmaziako alor bat.

P.A.I.N.
Datuak
Motaactivist group (en) Itzuli
Historia
Sorrera2017
Sortzailea
webgune ofiziala

Historia aldatu

Nan Goldinek P.A.I.N sortu zuen 2017an, opioide-epidemian Sackler familiak zuen erantzukizunaz jakin zuenean, eta bera ere Oxycontinekiko mendekotasuna garatutako pertsona izanik.[2][3] PAINen helburuetako bat izan da Sackler familia erantzule gisa markatzea iritzi publikoan eta epaitegietan, beren aberastasuna opioideekiko mendekotasuna tratatzeko programak finantzatzeko bilaka dadin.[4][5] Era berean, nola oso nabarmenak izan diren hainbat urtez Saclertarreek museoei eta kultura-erakundeei egindako dohaintzak, beraien izena publikoki zuritzeko erabili dutela hori uste dute PAINekoek: kultura erakunde eta museo horiei eskatu izan diete, batetik Sackler izena kentzeko agerpen publikoetatik, eta bestetik dohaintzak erabiltzeko opioideen krisiak eragindako kalteak murrizteko.[6]

Protestak museoetan aldatu

PAINen protesta metodo ezagun bat izan da Sacklertarren dirua jaso duten instituzioetan protestak egitea.

New York-eko Arte Museo Metropolitarrean izan zen era honetako lehen ekintza ikusgarria 2018ko martxoan. Eraikin horretan Dendurko Tenplu egipziar antzinakoa hartzen duen The Sackler Wing izeneko eraikin-atal edo hegal oso bat dago, eta han zabaldu zuten protesta 100 lagunek, pilula poto eta dolar margotuekin[7]. 2019ko otsailean, New York-eko Guggenheim Museoan beste ekintza sorpresa bat egin zuten[8].

2019ko uztailaren 1ean, Europara iritsi zen protesta. Louvre Museoan[9] azaldu ziren Goldin eta PAINekoak eskatzeko Sackler familiaren izena kendu ziezaiotela museoan izen hori zuten galeria batzuei.[10] 2019ko azaroan, Londresko Victoria & Albert museoko Sackler Courtyard patio 2017an inauguratua izan zen protestan.[11][12]

Aipaturiko ekintza hauek jasotzen dira, besteak beste, All the Beauty and the Bloodshed dokumentalean, zeinak Nan Goldin du protagonista[13]. Lau ekintza horien protagonistek: New York-eko Met-ek eta Guggenheimek, Parisko Louvrek eta V&A museoak, laurek egin dizkiete uko harrezkero Sacklertarren dohaintzen, eta izenak ere ezabatu dituzte beren erakundeetatik eta eraikinetatik.

Sackler izena oraindik duten erakundeen kontra jarraitzen du lanean PAINek 2023an.

Erreferentziak aldatu

  • Artikulu hau, osorik edo zatiren batean, ingelesezko wikipediako «P.A.I.N.» artikulutik itzulia izan da, 2022-11-17 data duen 1122407090 bertsioa oinarritzat hartuta. Sartze-datarik ez duten erreferentziak, edo 2022-11-17 baino lehenago datatuak, jatorrizko artikulutik ekarri dira itzulpenarekin batera.
  1. ↑ (Ingelesez) «Mission Statement» P.A.I.N Sackler.
  2. ↑ (Ingelesez) Dazed. (2019-03-25). «Art-activists on the importance of fighting complicity in the art world» Dazed.
  3. ↑ Kazakina, Katya; Stupples, Benjamin. (March 6, 2019). «Artists Protest Sackler Family Through Museums That Bear Their Name» www.bloomberg.com.
  4. ↑ (Ingelesez) «Nan Goldin» www.artforum.com.
  5. ↑ (Ingelesez) Dazed. (2019-04-15). «See Bryan Cranston and more spoof OxyContin manufacturer Richard Sackler» Dazed.
  6. ↑ (Ingelesez) «Nan Goldin and P.A.I.N. Sackler Protest the Opioid Crisis at Harvard's Sackler Museum» Hyperallergic 2018-07-24.
  7. ↑ (Ingelesez) Brown, Kate. (2018-03-12). «Scattering Pill Bottles at the Temple of Dendur, Nan Goldin Leads a Dramatic Oxycontin Protest at the Met» Artnet News (Noiz kontsultatua: 2023-03-15).
  8. ↑ (Ingelesez) Walters, Joanna. (2019-02-10). «Opioid crisis protesters target New York's Guggenheim over Sackler family link» The Guardian ISSN 0261-3077. (Noiz kontsultatua: 2023-03-15).
  9. ↑ (Ingelesez) Chrisafis, Angelique. (2019-07-01). «Artist Nan Goldin protests against Sackler wing at the Louvre» The Guardian ISSN 0261-3077..
  10. ↑ «Louvre Museum removes Sackler name from its walls after Nan Goldin's protest» It's Nice That 2019-07-18.
  11. ↑ «V&A drops financial ties with Sackler family over links with opioids» The Guardian 1 October 2022.
  12. ↑ Taylor, Chloe. «Campaigners target London's V&A Museum over its use of the Sackler name» CNBC.
  13. ↑ (Ingelesez) Bradshaw, Peter. (2023-01-25). «All the Beauty and the Bloodshed review – Nan Goldin takes on big pharma» The Guardian ISSN 0261-3077. (Noiz kontsultatua: 2023-03-15).

Kanpo estekak aldatu

"https://eu.wikipedia.org/w/index.php?title=P.A.I.N.&oldid=9228482"(e)tik eskuratuta