Oriol

Oriol edo Orixol Arabako mendi bat da, Aramaioko harana gobernatzen duena, Arangioko mendilerroaren garaietatik. 1.128 metroko garaiera du, eta Anbototik gertu dago, haren hegoaldean kokaturik. Hainbat bide daude Aramaiotik mendi honetara igotzeko. Urkiolatik ere igo daiteke.

Oriol
Datu orokorrak
Garaiera	1.128 m
Prominentzia	253 m
Mota	mendia
Geografia
Koordenatuak	43°03′28″N 2°35′59″W
Honen parte da	Euskal Herriko arkua
Mendikatea	Arangioko mendilerroa
Herrialdea	Euskal Herria
Probintzia	Araba
Mendizaletasuna
Ohiko bidea	Krutzetatik (ordubete eta 30 min), Etxaguendik (ordubete eta 15 min), Gantzagatik (ordubete eta 30 min), Oletatik (ordubete eta 30 min), Urkiolatik (2 ordu eta 30 min).

Izena

Mendi haren euskal izentzat zenbaitetan Orixol edo Orisol ere azaltzen diren arren, dokumentazioak argi erakusten du mendi ezagun haren izena Oriol dela. Euskaraz -io- hiatoan kontsonante bat tartekatzea mendebaldeko zenbait hizkeretan oso fenomeno bizia da, eta ahoz esan arren, ez da inola ere idatzi behar (Urkixola, Ixurreta, Mendixola...).

Ikus, gainera

• Arabako mendiak
• Urkiolako natura parkea

Kanpo estekak

• Datuak: Q3055443
• Multimedia: Orisol / Q3055443

Euskarazko Wikipedian bada atari bat, gai hau duena: Euskal Wikiatlasa