Oksana Txusovitina

Oksana Chusovitina» orritik birbideratua)

Oksana Aleksandrovna Txusovitina (errusieraz, Оксана Александровна Чусовитина; Bukhara, Uzbekistan, 1975eko ekainaren 19a) gimnasta olinpikoa eta munduko txapelduna da. SESB, Uzbekistan eta Alemaniaren izenean lehiatu izan da.[1]

Oksana Txusovitina

Bizitza
JaiotzaBukhara1975eko ekainaren 19a (48 urte)
Herrialdea Sobietar Errepublika Sozialisten Batasuna
 Alemania
 Uzbekistan
Familia
Ezkontidea(k)Bakhodir Kurbanov (en) Itzuli
Hezkuntza
Hizkuntzakalemana
errusiera
Uzbekera
Jarduerak
Jarduerakgimnasta artistikoa
Pisua44 kilogramo
Altuera153 zentimetro
Jasotako sariak

Instagram: oksana2016 Olympic.org: oksana-chusovitina Edit the value on Wikidata

Txusovitinaren eliteko ibilbidea mende laurdena baino gehiago luzatu da. 1988an, hamahiru urterekin, SESBeko Txapelketa Nazionala irabazi zuen gazteen kategorian. 1989an hasi zen nazioarteko mailan lehiatzen. Zortzi Olinpiar Jokotan lehiatu den emakumezko gimnasta bakarra izan da, 2020ko Udako Olinpiar Jokoak izan dira azkenak, ez du finalera sartzea lortu eta gainontzeko parte hartzaileen txalo artean agurtu da.[2][3][4]

Hiru talde ezberdinetan lehiatu izan da Olinpiar Jokoetan: 1992an Talde Bateratuarekin; 1996, 2000, 2004, 2016 eta 2020an Uzbekistanekin; eta 2008 eta 2012an Alemaniarekin. [5]

Honetaz gain, ama izan ondoren goi mailako gimnasiara itzuli diren emakume gutxienetakoa da Txusovítina, Leyanet Gonzalez kubatarrarekin, Larisa Latynina sobietarrarekin, Suzanne Harmes holandarrarekin, Alia Mustafina errusiarrarekin, Marta Pihan-Kulesza poloniarrarekin eta Irina Sazonova islandiarrarekin batera.

Bere seme Alisher jaio ondoren gimnasia utzi zuen, baina 3 urterekin leuzemia diagnostikatu zioten semeari eta Txusovitinak, goi mailako lehiaketari berrekitea erabaki zuen, tratamendurako dirua biltzeko. Hainbeste urtetako goi mailako ibilbidearen ondoren, gimnasiaren komunitatean eredu eta inspiraziotzat hartzen dute askok.[6]

Erreferentziak aldatu

  1. (Gaztelaniaz) Welle (www.dw.com), Deutsche. «La gimnasta más longeva es uzbeka y tiene 46 años | DW | 23.07.2021» DW.COM (Noiz kontsultatua: 2021-07-25).
  2. (Gaztelaniaz) «Oksana Chusovítina histórica abanderada de Uzbekistán en Tokyo 2020» Marca Claro - Juegos Olímpicos Tokyo 2020 2021-07-23 (Noiz kontsultatua: 2021-07-25).
  3. (Gaztelaniaz) «Chusovitina, fuera de la final, dice adiós a la gimnasia en sus octavos Juegos» Mundo Deportivo 2021-07-25 (Noiz kontsultatua: 2021-07-25).
  4. (Gaztelaniaz) «Gimnasia artística CHUSOVITINA Oksana - Juegos Olímpicos de Tokio 2020» .. (Noiz kontsultatua: 2021-08-13).
  5. (Gaztelaniaz) «La incombustible Oksana Chusovitina» Tokio 2020 (Noiz kontsultatua: 2021-07-25).
  6. (Gaztelaniaz) «La extraordinaria historia que se esconde detrás de la gimnasta Oksana Chusovitina» www.bekia.es (Noiz kontsultatua: 2021-07-25).

Kanpo estekak aldatu