Musika hil zen eguna
1959ko otsailaren 3an Buddy Holly, Ritchie Valens eta J. P. "The Big Bopper" Richardson Iowako Clear Laken ondoan hil ziren hegazkin istripu batean, Roger Peterson pilotoarekin batera. 1971ean Don McLean abeslariak eta musikagileak American Pie abestian "Musika hil zen eguna" (ingelesez: The Day the Music Died) zela abestu zuen, eta izen horrekin ezagutzen da.
| Musika hil zen eguna | |
|---|---|
 | |
| Mota | hegazkin-istripu |
| Data | 1959ko otsailaren 3a |
| Kokaleku | Clear Lake |
| Herrialdea | Ameriketako Estatu Batuak |
| Aireontzi | Beechcraft Bonanza (en)  |
| Abiapuntu | Mason City Municipal Airport (en) |
| Helmuga | Fargo |
| Hegazkinaren erregistroa | N3794N |
| Pertsona hilak | 4 |
| Pertsona zaurituak | 0 |
| Bizirik irten direnen kopurua | 0 |
Garai hartan Holly eta bere banda (Waylon Jennings, Tommy Allsup, eta Carl Bunch) "Winter Dance Party" tourra egiten ari zen Ameriketako Estatu Batuetako mendebaldean zehar. Valens, Richardson eta Dion and the Belmonts taldeak ere batu ziren tour horretara. Bidaiak luzeak ziren eta autobus hotzetan egiten ziren, abeslarien eztarriei eragiten ziena. Clear Laken kontzertua eman eta gero Hollyk erabaki zuen hegazkin bat hartzea Moorheadera joateko (Minnesota). Richardsonek sukarra zuenez Jenningsen lekua hartu zuen, eta Allsupek bere aulkia galdu zuen Valensen aurka txanpon-jaurtiketa batekin.
Hegazkina aireratu eta gutxira, gauez eta eguraldi txarrarekin, pilotoak kontrola galdu zuen eta talka egin zuen lurraren aurka. Hegazkineko guztiak hil ziren.
Kanpo estekak aldatu
Datuak: Q1412033
Multimedia: The Day the Music Died / Q1412033
