Miyagi (prefektura)

Miyagi prefektura; 宮城県;
	Japonia
Ereserkia
	Kagayaku Kyōdo (en) ; Miyagi Kenminka (en)
Administrazioa
Estatua	Japonia
Izen ofiziala	宮城県
ISO 3166-2	JP-04
Hiriburua	Sendai
governor of Miyagi Prefecture (en)	Yoshihiro Murai (en)
Geografia
Koordenatuak	38°16′07″N 140°52′19″E / 38.26858°N 140.87203°E
Azalera	7,285,75 km²
Mugakideak	Fukushima, Yamagata, Akita eta Iwate
Punturik altuena	Byōbu Dake (en)
Demografia
Biztanleria	2.288.456 (2021eko martxoaren 1a); Adierazpen errorea: Ustekabeko < eragileaEspresio akatsa: Ez dago operadorerik -(r)entzat
Dentsitatea	321,20 bizt/km²
Informazio gehigarria
Eskualdea	Tōhoku
Uhartea	Honshu
Ordu eremua	UTC+09:00
	pref.miyagi.jp

Miyagi prefektura (japonieraz: 宮城県, Miyagi-ken^?) Japoniako Honshu uharteko prefektura bat da. Hiriburua Sendai hiria da.

Historia

Miyagi prefektura Mutsu probintziaren parte izan zen. Antzinako hiriburua Taga-jō zen. Meiji berrezarkuntzan, Mutsu probintziaren parte batzuk harturik, lau probintzia berri sortu ziren: Rikuchū, Rikuzen, Iwaki eta Iwashiro. Hala ere, gaur egun Aomori prefektura den lurraldeak Mutsuren parte izaten jarraitu zuen sistema feudala desegin eta Japonia modernoaren prefektura-sistema ezarri zen arte.

1871ean, Sendai prefektura sortu zen, eta hurrengo urtean, izena aldaturik, Miyagi prefektura bihurtu zen.

2011ko martxoaren 11n, 9,0 magnitudeko lurrikara batek jo zuen prefektura. Haren ondorioz, tsunami erraldoi bat sortu zen (10 bat metroko altuera), eta kalte handiak eragin zituen.

Geografia

Miyagi prefektura Tōhoku eskualdearen erdialdean dago, Ozeano Barearen ertzean. Mendebaldean eta ipar-ekialdeko kostaldean mendi garaiak daude, baina erdialdean, Sendai hiriaren inguruan, lautada zabalak daude. Eskualdeko ibairik luzeena eta Japoniako bosgarrena den Kitakami ibaia bertan itsasoratzen da.

Prefekturako kostaldeko iparraldetik Oshika penintsula irteten da ozeanorantz.

Lurraldearen % 23 natura-parke gisa babestuta dago. Bertan dago Rikuchū Kaigan parke nazionala, besteak beste.

Ekonomia

Arrantza (ostrak) eta nekazaritza-abeltzaintzak jarduera garrantzitsuak dira prefekturan: arroz-produkzioa handia da, eta abere asko hazten dira. Dena den, industria da ekonomiaren sektore nagusia: Sendai inguruan manufaktura-industria garrantzitsuak daude, batez ere elektronika eta etxetresnen sektoreetan eta elikagaigintzan.