Masustegi

Masustegi edo Monte Caramelo Bilboko auzoa da. Basurtu-Zorrotza barrutian kokaturik dago, zortzigarren barrutian alegia. Auzoak 4.069 biztanle eta 0,81 kilometro koadroko azalera dauka (2006an Bilboko udalak emandako datuen arabera). Masustegi hiriaren mendebaldean kokatzen da, Pagasarriko eta inguruko mendietako lehen maldetan. Auzoa ibarbide estu batean dago, hiriko Iturrigorri auzoa bezala.

Masustegi
Bilbo, Basurtu-Zorrotza, Euskal Herria
Masustegi auzoko kalea.
Kokapena
Herrialdea	Euskal Herria
Probintzia	Bizkaia
Udalerria	Bilbo
Koordenatuak	43° 15′ 21″ N, 2° 57′ 23″ W
Masustegi Masustegi Masustegi Masustegi (Bilbo)
Azalera	0,81 km²
Demografia
Biztanleria	4.069
Dentsitatea	5.023 biztanle/km²
Posta kodea	480XX

Masustegiko auzoa industrializazioarekin batera garatutako auzoa da. XX. mendean zehar, inolako ordenarik gabe garatu ziren Bilboko auzoak bezala, Masustegin kale estuak eta hirigintza desegokia nagusi ziren. Ibarbidean eraikitako etxeak euren jabeek eraiki zituzten hein handi batean, etxe horiek ibarbidearen ekialdetik mendebaldera hedatzen dira. Ibarbidearen behealdeko gunean etxebizitza blokeak eraiki ziren.

Auzoak Basurtu auzoarekin egiten du muga ekialdean, Uretamendi auzoarekin hegoaldean, eta Zorrotzarekin iparraldean.

Garraio publikoa

Bilbobusaren 58. lineak hiriaren erdigunea zeharkatu eta Atxurirekin lotzen du Masustegi auzoa. Auzoaren eraikitze desegokia dela eta, autoen sarbidea nahiko zaila da, auzoan sartzeko errepide bat, eta ateratzeko beste bat daude eta.

Linea	Ibilbidea	Maiztasuna (min)
58	Mintegitxueta - Atxuri	15´
80	Altamira - Termibus	30´

Kale garrantzitsuenak

• Masustegi kalea

Euskarazko Wikipedian bada atari bat, gai hau duena: Bilbo