Mari Carmen Montoya Azkuna
Mari Carmen Montoya Azkuna (Zornotza, Bizkaia, 1925eko apirilaren 1a - Ibidem, 2024ko urtarrilaren 8a) emakume aitzindaria izan zen, farmazialaria ogibidez eta herriko hainbat elkartetako partaide aktiboa.[1][2]
| Mari Carmen Montoya Azkuna | |
|---|---|
 | |
| Bizitza | |
| Jaiotza | Zornotza, 1925eko apirilaren 1a |
| Herrialdea |  Bizkaia, Euskal Herria |
| Heriotza | 2024ko urtarrilaren 8a (98 urte) |
| Hezkuntza | |
| Heziketa | Santiago de Compostelako Unibertsitatea |
| Hizkuntzak | euskara gaztelania |
| Jarduerak | |
| Jarduerak | farmazialaria eta aktibista |
Ibilbidea
aldatuFarmazialari
aldatu1940ko hamarkadaren amaieran ikasketak egin zituen Santiago de Compostelan (Galizia) eta hango komentu batean bizi izan zen. Bera zen Galiziatik kanpokoa zen pertsona bakarra komentuan. Xakea gustatzen zitzaion moja bat zegoen eta harekin jokatzen zuen. Mari Carmenen esanetan:
Bakardadeari aurre egiteko modua izan zen. Nire aitari ere gustatzen zitzaion xakea, eta jokatzen zuen, baina batez ere Galiziako urte haietan zaletu nintzen xakera, eta harrezkero mantendu egin dut.
Ikasketak amaitu ondoren jaioterrian kudeatu zuen Montoya izeneko bere farmazia urte luzez, harik eta erretiroa hartu zuen arte.
Xake taldea
aldatuZornotza xake taldeko lehendakaria izan zen 40 urtez eta bere ezagutza familiari helarazi zion, non bilobetako bat Bizkaiko txapeldun izatera iritsi zen.[3]Bere ekimenari eta lanari esker, belaunaldi askotako gazteek xakean aritzeko aukera izan dute Zornotzan.[4]Azken aldian, klubeko ohorezko presidentea izan zen. Montoyaren biloba den Jon Asel Goiriak ordezkatu zuen Mari Carmen klubeko presidentetzan.[4]
Pregoilari eta txupinlari
aldatu2015ean Zornotzako jaietako txupinazioa jaurtitzeko eta pregoia irakurtzeko ohorea izan zuen Zornotza Xake Taldearen izenean.[5]
Bestelakoak
aldatuMontoya emakume aktiboa eta oso parte-hartzailea izan zen Zornotzan. Boluntarioa zen Caritasen eta alargunen elkartean, eta hitzaldiak ematen zituen emakumeen kolektibo batean.[3]
Ez zen oso jaizale bere esanetan, Beethoven zalea gehiago. Opera eta kontzertuak asko gustatzen zitzaizkion. Maiz joaten zen Euskalduna jauregira bere semearekin.[5]
Erreferentziak
aldatu- ↑ «Amorebieta despide a Mari Carmen Montoya, presidenta del Club Ajedrez Zornotza | dotb Durangaldeko Telebista» dotb.eus 2024-01-08 (Noiz kontsultatua: 2024-01-09).
- ↑ Hilero. (2024-01-09). Fallece Mari Carmen Montoya | www.amorebieta.com. (Noiz kontsultatua: 2024-01-09).
- ↑ a b ZORNOTZAN. (2024-01-09). «Fallece a los 98 años Mari Carmen Montoya, presidenta del club de ajedrez Zornotza» durangon.com (Noiz kontsultatua: 2024-01-09).
- ↑ a b «Mari Carmen Montoya hil da, 40 bat urtez Zornotzako Xake Klubeko presidente izandakoa - Zornotza» Anboto.org (Noiz kontsultatua: 2024-01-09).
- ↑ a b «Mari Carmen Montoya: "Urtebeterako kargua izango zuela uste nuen, eta 34 urte daramatzat presidente" - Zornotza» Anboto.org (Noiz kontsultatua: 2024-01-09).
Kanpo estekak
aldatu
Datuak: Q124219311
