Magallanes y la Antártica Chilena eskualdea

Magallanes eta Txileko Antartika; XII Región de Magallanes y de la Antártica Chilena
	Txile
Administrazioa
Estatua	CHL
ISO 3166-2	CL-MA
Hiriburua	Punta Arenas
Zatiketa	ikusi Magallanes probintzia, Tierra del Fuego probintzia, Última Esperanza probintzia eta La Antártica Chilena probintzia;
Geografia
Koordenatuak	53°09′45″S 70°55′21″W / 53.1625°S 70.9225°W
Azalera	132,033,5 km²
Mugakideak	Aisén eskualdea, Suaren Lurraldea, Antartika eta Hego Atlantikoko Uharteak eta Santa Cruz probintzia
Demografia
Biztanleria	166.533 (2017); 15.707 (2002)
Dentsitatea	1,24 bizt/km²
Informazio gehigarria
Eskualdea	XII
Probintziak	La Antártica Chilena, Magallanes, Tierra del Fuego eta Última Esperanza
Ordu eremua	UTC−03:00
	www.goremagallanes.cl/

Magallanes y la Antártica Chilena edo Magallanes eta Txileko Antartika (gaztelaniaz: XII Región de Magallanes y de la Antártica Chilena) Txileko hamabost eskualdeetako bat da. Hegoaldeko muturrean kokatzen da eta herrialdeko eskualderik handiena da. 132.033 km²ko eremua du eta 2014an 163.748 biztanle zituen^[1]. Hiriburua Punta Arenas da.

Geografia

Antartika aldeaz gainera beste bi gune bereizten dira:

Ekialdean Patagoniako mendikatea dago (Andeak), glaziarren eraginez oso higatua eta 1.000 metrotik gora izotzak estalia. Argentinako mugan 3.000 m baino gehiagoko gailurrak daude (Fitz Roy, 3.340 m eta Murallon, 3.600 m).

Mendebaldean, Ozeano Barearen aurrean, itsasoak hartutako gunea da zabalena, itsasarteek eta estuguneek banatutako uharte ugarik osatua. Aipagarriak dira Hornos lurmuturra, Mesier, Concepcion, Ancho, Beagle eta Magallaes itsasarteak eta Wellington, Hannover, Clarence, Hoste, Navarino eta Suaren Lurraldea uharteak.

Klima hotz hezea da beti (urtearen batez bestekoa 6 °C da eta 2.000-3.000 mm ur hegoaldean).

Banaketa administratiboa

Magallanes y la Antártica Chilena eskualdea lau probintziatan banaturik dago:

La Antártica Chilena probintzia (hiriburua Puerto Williams du)
Magallanes probintzia (hiriburua Punta Arenas du)
Tierra del Fuego probintzia (hiriburua Porvenir du)
Última Esperanza probintzia (hiriburua Puerto Natales)

Ekonomia

Historian zehar urre meategiek garrantzi handia izan dute, baina gaur egun ekonomia jarduera nagusiak abeltzaintza (ardia) eta basogintza dira, petrolio hobiekin batera.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2015/08/24 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ Actualización de proyecciones de población. in: Instituto Nacional de Estadísticas (INE). ine.cl (Noiz kontsultatua: 2015-08-24).

Kanpo estekak

(Gaztelaniaz) Eskualdeko gobernuaren webgune ofiziala Goremagallanes.cl

Datuak: Q2189
Multimedia: Magallanes y Antártica Chilena Region / Q2189

[1] Actualización de proyecciones de población. in: Instituto Nacional de Estadísticas (INE). ine.cl (Noiz kontsultatua: 2015-08-24).

[1]