Maddiren trajeria
Maddiren trajeria Gerardo Mungiak idatzi duen pastoralaren izenburua. Lana 2022an taularatu nahi dute, Xaretan, urriaren 15 eta 16an, Zugarramurdiko leizetan, eta hirugarren saio bat ere aurreikusten dute Saran. Errejenta Pantxika Urruti izango da eta harekin lau herrietako 100 pertsona baino gehiago arituko dira antzezpen honetan.[1]
| Maddiren trajeria | |
|---|---|
| Jatorria | |
| Argitaratze-data | 2022 |
| Izenburua | Maddiren trajeria |
| Ezaugarriak | |
| Genero artistikoa | pastorala |
| Hizkuntza | euskara |
| Deskribapena | |
| Oinarritua | abesti herrikoi |
| Libretista | Gerardo Mungia |
| Argumentu nagusia | izaki mitologikoa |
Argumentua aldatu
Gerardo Mungiak, Pintxek, idatzi du pastorala. Gaia euskal mitologiaren gai klasikoa eta kantuetan ere jasota izan dena da. Poema Benito Lertxundik, Jean Mixel Bedaxagarrek eta Haizea taldeak kantu bilakaturik abestu izan dituztenak. Piarres Lafitte baxenafarrak ‘Maddi oreina bilakatu neska’ izena eman zion 1965ean, baina Mungiari eta herritarrei izena aldatzea egokiagoa zela iruditu zitzaien, antzerkiarekin bat egin dezan.[2]
Antzezlanak egunez orein eta gauez neskatila den Maddiren istorioa kontatzen du. Etxeko zakurrek oreina hilko dute eta hortik abiatzen da istorioa, nerabetasunetik gaztetasunerako bidea, ehizaren bi alderdiak, oihaneko piztiak, euskal mitologiako hainbat pertsonai. Hauekin batera, pastoralak behar duen gaiztotasuna irudikatuko dute Xaretan ezagunak izan diren inkisidoreak, Urdazubiko abadea, Pierre de Lancre, Aymeric Picaud edota Valle Alvaradok.[3]
Koordinatzaileak aldatu
Pantxika Urruty da errejenta, koordinatzaile nagusia da. Beste bortz alor ekarriko ditu oholtza gainera: idatzia, kantua, dantza, musika eta jantziak:[4]
- Idazlana, Gerardo Mungia Pintxe
- Musika eramailea, Patrick Calvet, bertze hamar bat musikarirekin
- Dantza eramailea, Arnaud Izal, satan dantzetan berezitua eta dantza sozialen irakaslea, Pierre Goyaren laguntzarekin;
- Kantu eramailea, Marylis Daguerre
- Kostunen eramailea, Beronik Ondikola, hamar bat dendariekin jantziak egin eta josteko
Erreferentziak aldatu
- ↑ https://www.naiz.eus/eu/hemeroteca/gara/editions/2022-04-22/hemeroteca_articles/maddiren-trajeria-pastorala-elkarrekin-antzeztuko-dute-nafarrek-eta-lapurtarrek
- ↑ https://www.kazeta.eus/eu/info_kz/20220422/maddiren-trajeria-xareta-ibarreko-lehen-pastorala
- ↑ https://www.noticiasdenavarra.com/navarra/baztanbidasoa/2022/04/21/maddiren-trajeria-pastorala-emanen-dute/1252200.html
- ↑ Ibidem.
Ikus gainera aldatu
Kanpo estekak aldatu
- Erreportaia Xaloa Telebistan.
- Joseba Aurkenerena: Xaretako pastorala, euskal izaeraren gorazarre. [1]
Datuak: Q111832603
