Lumo

Lumo Bizkaiko ipar-erdialdeko elizate bat da; 1882ko urtarrilaren 8az geroztik, Gernikarekin batera Gernika-Lumoko udalerria osatzen du.

Lumo
Euskal Herria
Lumoko elizatea
Kokapena
Herrialdea	Bizkaia
Udalerria	Gernika-Lumo
Posta kodea	48.300
Geografia
Koordenatuak	43°18′46″N 2°41′20″W
Garaiera	10 m
Demografia
Biztanleria	192 (2009)

San Pedro, Arane eta Zallo auzoek osatzen dute. Lumoren izaera aldatuz joan da; baina, ekonomiaren aldetik, lumotarrak nekazariak eta abeltzainak izan dira gehienbat oraintsu arte.

Kokapena

Lumoren gune nagusia, San Pedroko eliza, koordenatu hauetan dago: 43°18'75" N, 2°41'33" W.

Mugakide ditu iparraldean Foruko elizatea, ekialdean Ajangizko udalerria, hegoaldean Muxikako udalerria eta mendebaldean Errigoitiko elizatea.

Historia

Lumoren lehen aipamena idatzia, Luno formarekin, Erdi Aroko latinezko testu batean agertzen da; hain zuzen ere, Donemiliaga Kukulako kartularioan (279. zenbakia, 271-272 orrialdeak, 1051-I-30):

«

Et ego Garsia nutu Dei pontifex cum consensu clericorum meorum simili tenore donatione confirmationeque, promitto et condono praefactu Santa Marie canobio illas tertia de Udai Balzaga, et de Luno, et de gernica, et de Gorritiz en naiuso, et de Vermeio, et de Mundaka et Busturi assuso, ad intgritate confirmo donandapar eterna secula, amen.

»

Demografia

Lumoko biztanleria

Ondarea

• Lumoko dorretxea.
• XIX. mendeko iturri / aska / garbitoki multzoa.

Jaiak

• Pedro Deuna, ekainaren 29an.
• Lorentzo Deuna edo Zallobanteak, abuztuaren 10an.

Euskarazko Wikipedian bada atari bat, gai hau duena: Bizkaia

Kanpo estekak

• Datuak: Q9025575