Errigoiti

Errigoiti
	Bizkaia, Euskal Herria
	Errigoitiko baserria.
Administrazioa
Estatua	Espainia
Erkidegoa	Euskal Autonomia Erkidegoa
Lurraldea	Bizkaia
Eskualdea	Busturialde
Izen ofiziala	Errigoiti
Alkatea	Aintzane Arrien Orbe (EH Bildu)
Posta kodea	48309
INE kodea	48079
Herritarra	errigoitiarra
Kokapena
Koordenatuak	43°19′12″N 2°43′26″W / 43.32°N 2.7238888888889°W
Azalera	16,42 km²
Distantzia	29 km Bilbora
Demografia
Biztanleria	504 (2022); 15 (2021)
Dentsitatea	30,69 bizt/km²
Hazkundea; (2003-2013)	% 6,61
Zahartze tasa	% 23,33
Ugalkortasun tasa	‰ 66,04
Ekonomia
Jarduera tasa	% 76,06 (2011)
Genero desoreka	% 5,61 (2011)
Langabezia erregistratua	% 6,79 (2013)
Euskara
Euskaldunak	% 80,6 (2010)
Kaleko erabilera	% (2016)
Etxeko erabilera	% 68.24 (2016)
Datu gehigarriak
Sorrera	1376. urtea
Webgunea	http://www.errigoiti.net

Errigoiti Bizkaiko erdialdeko udalerri bat da, Busturialdeko eskualdekoa. 496 biztanle zituen 2016. urtean.

Geografia Aldatu

Inguru naturala eta kokapena Aldatu

Busturialdeko herria da, Bizkaiko ipar-ekialdean kokatzen da Bilbotik 29 kilometrora eta Gernika eta Mungiako herrien artean. Herriak Busturiarekin egiten du muga iparraldean, Gernika, Murueta eta Foruarekin ekialdean, Muxikarekin hegoaldean, eta Arrieta eta Morgarekin mendebaldean.

Metxikako aireko ikuspegia, Errigoitiko gainontzeko batzuk urrutian daudela.

Errigoitik honako auzoak ditu: Atxika-Errekalde, Eleizalde-Olabarri (elizatearen jatorrizko gunea), Metxika, eta Uriko auzoa, gaur egun Errigoitiko auzo garrantzitsuena dena.

Historia Aldatu

Gaur egungo Errigoitiren jatorria Erdi Aroko Idoibaltzagako Andra Mari elizatean dago. 1376. urtean Mungia eta Gernika bitarteko, hau da Butroe eta Oka ibaien arteko bidea babesteko asmoarekin, Gaztelako Juanek lur eremu handiak eman zizkien Idoibalzagako Andra Mariko biztanleei. Horrez gain, Logroñoko foruaren arabera antolatzeko eskubidea eman zien, horrela, Errigoitiko hiribildua sortuz.

Jatorrizko herritik 500 bat metrora, (gaur egungo Eleizalde auzoan) beste etxegune txiki bat sortu zen, Erdi Aroko herri tipikoaren ereduaren arabera antolaturik. Hiribildua izan arren, herri txikia izan da beti.

Demografia Aldatu

Errigoitiko biztanleria

Politika Aldatu

Errigoitiko udaletxea.

2011ko udal hauteskundeak Aldatu

2015eko udal hauteskundeen emaitzen ondorioz, Euskal Herria Bildu koalizioko Aintzane Arrien hautatu zuten alkate.

Errigoitiko udalbatza
Alderdia		2015eko maiatzaren 24		2011ko maiatzaren 22
Alderdia		Zinegotziak	Boto kopurua	Zinegotziak	Boto kopurua
	EH Bildu	4 / 7	194 (% 54,04)	2 / 7	138 (% 32,94)
	Euzko Alderdi Jeltzalea (EAJ)	3 / 7	155 (% 43,18)	4 / 7	196 (% 46,78)
	SOS Errigoiti			1 / 7	82 (% 19,57)
Datuen iturria: Hauteskundeen emaitzak euskadi.net webgunean

2007ko hauteskundeen emaitzak hauek izan ziren:

**Errigoitiko Udala 2007**
Alderdia	Botoak	Zinegotziak
EAJ	234	5
SOS Errigoiti	108	2
PP	1	0

Euskara Aldatu

Errigoitiko Miren Ensunza^[4]^[5] (Ahotsak^[6] proiekturako)

Errigoitin^[5] Busturialdeko euskara^[4] hitz egiten da, mendebaldeko euskalkiaren aldaera.

Jaiak eta ospakizunak Aldatu

Errigoitiko jaiak ekainaren erdialdean ospatzen dira San Antonioren omenez.

Ondasun nabarmenak Aldatu

Idoibaltzagako Andra Mari eliza

Idoibaltzagako Andra Mari eliza: XVI. mendean eraikitako eliza da. Elizarekin batera baseliza, kanposantua eta abadearen etxea daude. Egitura Errigoitiko jatorrizko herrigunetik kanpo eraiki zen. XIX. mendean birmoldaketa sakona egin zen, Martin Etxabururen gidaritzapean.